This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അനുലോമപ്രതിലോമങ്ങള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അനുലോമപ്രതിലോമങ്ങള്‍
മനോധര്‍മസംഗീതത്തില്‍ 'പല്ലവി' പാടുകയെന്നത് ഒരു പ്രധാന ഇനമാണ്. ഏതെങ്കിലും ഒരാശയം പദങ്ങളിലൊതുക്കി 'പദഗര്‍ഭം' മുതലായ നിയമങ്ങള്‍ അനുസരിച്ച് രാഗത്തിലും താളത്തിലും ക്രമപ്പെടുത്തി പാടുന്നതാണ് പല്ലവി. അക്ഷരങ്ങളെ താളത്തിന്റെ നിയുക്ത സ്ഥാനങ്ങളില്‍ നിന്നു മാറ്റാതെ, ആ രാഗത്തിന്റെ വിവിധ മേഖലകളില്‍ നടത്തുന്ന ഭാവയുക്തമായ സഞ്ചാരത്തിന് 'നിരവല്‍' എന്നു പറയുന്നു. നിരവല്‍ പാടിക്കഴിഞ്ഞാല്‍ അനുലോമവും പ്രതിലോമവും ചെയ്യുകയെന്നതു സാധാരണയാണ്. പല്ലവി എടുത്ത താളത്തിന് മാറ്റമൊന്നും വരുത്താതെ ഒന്നാംകാലം, രണ്ടാംകാലം, തിസ്രം, മൂന്നാംകാലം എന്നീ പല വേഗത്തില്‍ പാടുന്നതിനെ അനുലോമമെന്നു പറയുന്നു. ഈ പ്രക്രിയ നടക്കുമ്പോള്‍ ഒന്നാംകാലത്തില്‍ സാഹിത്യം ഒരു തവണയും രണ്ടാം കാലത്തില്‍ രണ്ടു തവണയും തിസ്രത്തില്‍ മൂന്നു തവണയും മൂന്നാം കാലത്തില്‍ നാലു തവണയും കേള്‍ക്കുന്നു. പല്ലവിയുടെ സംഗീതം എടുത്ത കാലത്തില്‍തന്നെ പാടിക്കൊണ്ട്, താളം മാത്രം 4 കള, 2 കള, 1 കള എന്നീ ക്രമത്തില്‍ ഇടുന്നതിനെ പ്രതിലോമം എന്നു പറയുന്നു.
(ഡോ. സി.കെ. രേവമ്മ)
