This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അഡീല
സര്‍വ്വവിജ്ഞാനകോശം സംരംഭത്തില്‍ നിന്ന്
അഡീല (1062? - 1137)
Adela
ഇംഗ്ളണ്ടിലെ രാജാവായിരുന്ന വില്യം I-ാമന്റെ (1027-87) പുത്രിയും സ്റ്റീഫന്‍ രാജാവിന്റെ (1097-1154) മാതാവും. മ്യോക്സിലെയും ബ്രൈയിലെയും പ്രഭുവായിരുന്ന സ്റ്റീഫനെ 1080-ല്‍ വിവാഹം ചെയ്തു. സ്റ്റീഫന്‍ കുരിശുയുദ്ധത്തില്‍ പങ്കെടുക്കാന്‍ പോയപ്പോള്‍ (1095-99) നാടു ഭരിച്ചിരുന്നത് അഡീലയായിരുന്നു. സ്റ്റീഫന്‍ മരിച്ചപ്പോള്‍ അവര്‍ റീജന്റായി ഭരണം നടത്തി. തുടര്‍ന്ന് രണ്ടാമത്തെ മകനായ തിയോബാള്‍ഡിനെ ഭരണം ഏല്പിച്ചു. 1137-ല്‍ അഡീല അന്തരിച്ചു. ഇടപ്രഭുക്കന്‍മാരും പള്ളിയധികാരികളും തമ്മില്‍ അഭിപ്രായഭിന്നതകള്‍ ഉണ്ടായപ്പോള്‍ മധ്യവര്‍ത്തിയായി പ്രവര്‍ത്തിച്ച് ഇരുകൂട്ടരേയും അനുരഞ്ജനത്തിലെത്തിക്കാന്‍ ഇവര്‍ സാരമായ സേവനം ചെയ്തിട്ടുണ്ട്. 1135-ല്‍ ഇംഗ്ളണ്ടിലെ രാജാവായിത്തീര്‍ന്ന സ്റ്റീഫന്‍ ഇവരുടെ മൂന്നാമത്തെ പുത്രനാണ്.
