This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ജൂമാ മസ്ജിദ്
സര്‍വ്വവിജ്ഞാനകോശം സംരംഭത്തില്‍ നിന്ന്
ജൂമാ മസ്ജിദ്
ഇന്ത്യയിലെ ഏറ്റവും വലിയ മുസ്ലിം പള്ളി. 'ജുംഅ' എന്ന അറബിപദത്തിന്റെ അര്‍ഥം പ്രാര്‍ഥനയ്ക്കു വേണ്ടിയുള്ള ഒത്തു ചേരല്‍ എന്നാണ്. 'മസ്ജിദി'ന് ആരാധനാലയം എന്നര്‍ഥം. മുഗള്‍ ചക്രവര്‍ത്തി ഷാജഹാന്‍ ദില്ലിയില്‍ നിര്‍മിച്ച ഈ ദേവാലയം ഇസ്ലാമിക വാസ്തുവിദ്യയുടെ പ്രൗഢിയും ലാവണ്യവും വിളിച്ചോതുന്ന ഒരു മഹാസൗധമാണ്. ആറുവര്‍ഷംകൊണ്ട് (1650-56) നിര്‍മാണം പൂര്‍ത്തിയാക്കിയ ഈ പള്ളിക്ക് 10 ലക്ഷം രൂപ ചെലവായതായി കണക്കാക്കപ്പെടുന്നു. ഇസ്ലാമിക വാസ്തുവിദ്യയുടെ ചരിത്രസ്മാരകമായി നിലകൊള്ളുന്ന ഈ പള്ളിയുടെ ഏറ്റവും വലിയ സവിശേഷത, അതിന്റെ അവയവപ്പൊരുത്തവും ലയഭംഗിയുമാണ്. 9 മീ. ഉയരമുള്ള അടിത്തറയില്‍ പണിതുയര്‍ത്തിയിരിക്കുന്ന ജൂമാ മസ്ജിദിന്റെ പ്രധാന ആകര്‍ഷണങ്ങള്‍ മൂന്നു കവാടങ്ങള്‍, നാല് കോണുഗോപുരങ്ങള്‍, കുംഭഗോപുരങ്ങള്‍ എന്നിവയാണ്. വെള്ള മാര്‍ബിളിലെ ശ്യാമ-ശോണ വര്‍ണരേഖകളുടെ വിന്യാസം നയനാനന്ദകരമാണ്. പ്രവേശനകവാടങ്ങളിലേക്ക് നയിക്കുന്ന ചവിട്ടുപടികളും 12 തൂണുകളുള്ള തുറന്ന പന്തലുകളും അതിവിസ്തൃതമായ പ്രാര്‍ഥനാഹാളും ജൂമാ മസ്ജിദിന്റെ ശില്പസൗന്ദര്യത്തിനു മാറ്റുകൂട്ടുന്നു.
