This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഛാത്രാരി നൃത്തം
സര്‍വ്വവിജ്ഞാനകോശം സംരംഭത്തില്‍ നിന്ന്
ഛാത്രാരി നൃത്തം
ഒരു ഉത്തരേന്ത്യന്‍ നാടോടിനൃത്തം. ഹിമാചല്‍ പ്രദേശിലെ ചമ്പാജില്ലയിലുള്‍പ്പെട്ട ഛാത്രാരി ഗ്രാമവാസികളാണ് ഇത് പതിവായി നടത്താറുള്ളത്. പ്രേമം, വിവാഹം, യാത്ര, കൃഷി തുടങ്ങിയ വിഷയങ്ങളാണ് ഇതിലെ ഇതിവൃത്തങ്ങള്‍. രണ്ടുസംഘം സ്ത്രീകളാണ് ഇത് അവതരിപ്പിക്കാറുള്ളത്. പശ്ചാത്തലവാദ്യവും ഗാനവും അകമ്പടിയായുണ്ടാകും. ഈ നൃത്തരൂപത്തിനു നിരവധി പാഠഭേദങ്ങളുണ്ട്. സ്ത്രീകള്‍ ഇരുസംഘങ്ങളായി നിന്ന് പരസ്പരം ചോദ്യങ്ങള്‍ ചോദിച്ചും ഉത്തരം പറഞ്ഞും സല്ലപിക്കുന്ന രീതിയാണുള്ളത്. ഒരുഭാഗത്തു രാജാവും അകമ്പടിക്കാരും, മറുഭാഗത്ത് അധഃകൃതയായ കാമുകിയും കൂട്ടുകാരും എന്നാണ് സങ്കല്പം. ഈ മാതൃക 'ഭങ്കി' എന്നാണറിയപ്പെടുന്നത്. ജീവിതായോധനത്തിനായി നാടുവിടുന്ന കാമുകനു മുന്നില്‍ കാമുകി നടത്തുന്ന പരിദേവനം ഇതിവൃത്തമായുള്ള നൃത്തമാണ് കാങ്ഡ പ്രദേശത്തുള്ളവര്‍ അവതരിപ്പിക്കാറുള്ളത്.
