This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

അഞ്ചാംവേദം

വ്യാസന്റെ മഹാഭാരതത്തെ അഞ്ചാംവേദമായി വ്യവഹരിക്കാറുണ്ട് (ഭാരതം പഞ്ചമോവേദഃ). 'ഭാരതമാകുമഞ്ചാംവേദത്തെ പഠിപ്പിച്ച്' എന്ന് തുഞ്ചത്ത് എഴുത്തച്ഛനും പ്രസ്താവിച്ചിട്ടുണ്ട് (മഹാഭാരതം). പുരാണേതിഹാസങ്ങളിലെ വിലപ്പെട്ട സമ്പത്തായ ഈ ഗ്രന്ഥത്തില്‍ ധര്‍മാധര്‍മങ്ങളെ കുറിച്ചുള്ള വിശിഷ്ടോപദേശങ്ങള്‍ അടങ്ങിയിരിക്കുന്നു. ഇതിനെ അഞ്ചാംവേദമായി കരുതുന്നതിനു കാരണവും അതാവാം. ഭാരതം മാത്രമാണ് അഞ്ചാംവേദമെന്നും അതല്ല പുരാണേതിഹാസങ്ങള്‍ മുഴുവനുമാണ് അഞ്ചാംവേദമെന്നും ഇതിഹാസങ്ങള്‍ മാത്രമേ അഞ്ചാംവേദമാകൂ എന്നും വിവിധാഭിപ്രായങ്ങള്‍ നിലവിലുണ്ട്.