This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ചാര്‍ങ്ഗേദ്യാദി രസായനം
സര്‍വ്വവിജ്ഞാനകോശം സംരംഭത്തില്‍ നിന്ന്
ചാര്‍ങ്ഗേദ്യാദി രസായനം
ഒരു ആയുര്‍വേദ ഔഷധം. അതിസാരത്തിനും ഗ്രഹണിക്കും പ്രതിവിധിയായി ഉപയോഗിക്കുന്നു.
'ചാര്‍ങ്ഗേരിനീരും മുത്തങ്ങാനീരുമൊപ്പം കലര്‍ന്നതില്‍
ജാതിക്കാ ശുണ്ഠി ദീപ്യഞ്ച കുടജം ചാഹിഫേനവും
ചൂതാസ്ഥി ചൂളപശയും ഒപ്പമൊപ്പം പൊടിച്ചുടന്‍
ദധിതാന്‍ മധുതാന്‍ ചേര്‍ത്തു ലോഹമാക്കിച്ചവച്ചുടന്‍
സേവിക്കിലതിസാരേ ച ഗ്രഹണിക്കും ഗുണം തുലോം'
(സഹസ്രയോഗം)
പുളിയാരല്‍ നീര്, മുത്തങ്ങാക്കിഴങ്ങിന്‍ നീര് ഇവ സമംചേര്‍ത്ത് കുറുക്കണം. മുത്തങ്ങാനീരിനുപകരം കഷായവും ചേര്‍ക്കാം. അയമോദകം, കുടകപ്പാലയരി, അവിയന്‍, മാങ്ങയണ്ടിപ്പരിപ്പ്, ഇലവിന്‍പശ ഇവ തുല്യപാകത്തിലെടുത്ത് പൊടിച്ചുവിതറി തൈരോ തേനോ കൂട്ടി ലേഹ്യപാകമാക്കി സേവിക്കണം.
