This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഗൗതമിപുത്ര ശാതകര്‍ണി (ഭ.കാ. 113 - 138)
സര്‍വ്വവിജ്ഞാനകോശം സംരംഭത്തില്‍ നിന്ന്
ഗൗതമിപുത്ര ശാതകര്‍ണി (ഭ.കാ. 113 - 138)
ശാതവാഹന രാജാവ്. 25 വര്‍ഷത്തോളം രാജ്യം ഭരിച്ചു. മഹാരാഷ്ട്ര, സൗരാഷ്ട്ര, പശ്ചിമ രാജസ്ഥാന്‍, മധ്യഗുജറാത്ത്, കൊങ്കണം, നര്‍മദ താഴ്വര തുടങ്ങിയ സ്ഥലങ്ങള്‍ ഇദ്ദേഹത്തിന്റെ സാമ്രാജ്യത്തില്‍പ്പെട്ടിരുന്നു. തെക്ക് വിദര്‍ഭ-ബനവാസിവരെ സാമ്രാജ്യം വ്യാപിച്ചിരുന്നു. ശാകന്മാരുമായും പഹലവന്മാരുമായും ഗ്രീക്കുകാരുമായും ഇദ്ദേഹം യുദ്ധം ചെയ്തിട്ടുണ്ട്. ക്ഷത്രപശക്തിയെ നേരിടുവാന്‍ ഇദ്ദേഹത്തിന്റെ ഭരണകാലത്ത് 16 വര്‍ഷത്തോളം തയ്യാറെടുപ്പു നടത്തി. നിരവധി അയല്‍ രാജാക്കന്മാരെ പരാജയപ്പെടുത്തിയിട്ടുണ്ട്. 'പശ്ചിമ വിന്ധ്യയുടെ അധിപന്‍', 'രാജരാജ', 'മഹാരാജ' എന്നീ പേരുകളില്‍ ഇദ്ദേഹം അറിയപ്പെട്ടിരുന്നു. ദുര്‍ബലരെയും പാവപ്പെട്ടവരെയും സഹായിക്കുന്നതില്‍ ഇദ്ദേഹം പ്രത്യേകം ശ്രദ്ധിച്ചിരുന്നു. ഇദ്ദേഹത്തിന്റെ മാതാവ് ഗൗതമി ബലശ്രീയും ഭരണകാര്യങ്ങളില്‍ പങ്കുകൊണ്ടിരുന്നു.
