This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അക്കോര്‍ഡിയന്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അക്കോര്‍ഡിയന്‍
Accordion
ഒരു പാശ്ചാത്യസംഗീതോപകരണം. 19-ാം ശ.-ത്തിന്റെ ആരംഭം മുതല്‍ ഇത് ഉപയോഗിച്ചുവരുന്നു. 1822-ല്‍ ജര്‍മനിയിലാണ് ഇത് ആദ്യം നിര്‍മിക്കപ്പെട്ടത്.
ദീര്‍ഘചതുരാകൃതിയിലുള്ള രണ്ടു പലകകള്‍ക്കിടയില്‍ ബെല്ലോകള്‍ ഇണക്കിയാണ് ഇത് നിര്‍മിക്കുന്നത്. ഈ പലകകളില്‍ വാദ്യത്തിന്റെ വലിപ്പച്ചെറുപ്പമനുസരിച്ച് 5 മുതല്‍ 50 വരെ കട്ടകള്‍ (reeds) ഘടിപ്പിച്ചിരിക്കും. ബെല്ലോDebit sideകള്‍ വികസിപ്പിക്കുമ്പോള്‍ പുറത്തുനിന്നും വായു ഉള്ളില്‍ കടക്കുന്നു; സങ്കോചിപ്പിക്കുമ്പോള്‍ പുറത്തേക്കു കടക്കുവാന്‍ ശ്രമിക്കുന്ന വായുവിനെ നിര്‍ദിഷ്ട ദ്വാരങ്ങളില്‍ക്കൂടി നിര്‍ദിഷ്ട തോതില്‍ പുറത്തേക്കു വിടത്തക്കവണ്ണം കട്ടകളില്‍ വിരലുകള്‍ അമര്‍ത്തുകയും അയയ്ക്കുകയും ചെയ്യുന്നു. ഒരേ കട്ടയില്‍ നിന്നും രണ്ടു നാദങ്ങള്‍ പുറപ്പെടുവിക്കുന്നതിന് ബെല്ലോകളില്‍ ഒന്നിനെ വികസിപ്പിക്കുകയും മറ്റൊന്നിനെ സങ്കോചിപ്പിക്കുകയും ചെയ്താല്‍ മതി.
പിയാനോ മാതൃകയില്‍ നിര്‍മിക്കപ്പെടുന്ന പിയാനോ അക്കോര്‍ഡിയനുകള്‍ ഇന്ന് പ്രചാരത്തിലുണ്ട്. അവയുടെ 'ദന്തനിര' (keyboard) പ്രത്യേകരീതിയിലാണ് ഘടിപ്പിച്ചിട്ടുള്ളത്. 'ബണ്‍ഡോനിയോണ്‍' (Brandoneon) എന്നത് മറ്റൊരിനം അക്കോര്‍ഡിയനാണ്.
