This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam

സര്‍വ്വവിജ്ഞാനകോശം സംരംഭത്തില്‍ നിന്ന്

കോളമിന്‍

Colomine

ഒരു ജൈവസംയുക്തം. മോണോ എഥനോളമിന്‍, 2- അമിനോ എഥനോള്‍, 2-ഹൈഡ്രോക്സി ഈഥൈല്‍ അമിന്‍, ബീറ്റാ അമിനോ ഈഥൈല്‍ ആല്‍ക്കഹോള്‍ എന്നീ പേരുകളിലും അറിയപ്പെടുന്നു. ഫോര്‍മുല: ഒഛ. HO. CH² CH² NH².തലച്ചോറിലുള്ള കെഫാലിന്‍ എന്ന ഫോസ്ഫാറ്റൈഡിന്റെ ജലീയ വിശ്ലേഷണം വഴി 1884-ലാണ് ഇത് ആദ്യമായി നിര്‍മിക്കപ്പെട്ടത്. ജീവകം ബി കോംപ്ലക്സിലുള്ള കോളിന്‍ (HO CH² CH² NMe³OH) എന്ന സംയുക്തവുമായി രാസപരമായി ബന്ധപ്പെട്ട വസ്തുവായതുകൊണ്ടാണ് ഇതിന് കോളമിന്‍ എന്നു പറയുന്നത്.

എഥിലീന്‍ ഓക്സൈഡ് അമോണിയയുമായി പ്രതിപ്രവര്‍ത്തിപ്പിക്കുമ്പോള്‍ മോണോ എഥനോളമിന്‍ (കോളമിന്‍), ഡൈ എഥനോളമിന്‍, ട്രൈ എഥനോളമിന്‍ എന്നിവയുടെ മിശ്രിതം കിട്ടും.

ഇവയെ തമ്മില്‍ ആംശികസ്വേദനം നടത്തി വേര്‍തിരിച്ചെടുക്കാം.