This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഖ
സര്‍വ്വവിജ്ഞാനകോശം സംരംഭത്തില്‍ നിന്ന്
ഖ
മലയാളം അക്ഷരമാലയിലെ രണ്ടാമത്തെ വ്യഞ്ജനം. 'ഹ'കാരത്തിന്റെ സംസര്‍ഗംകൊണ്ട് 'ക' എന്ന ഖരാക്ഷരം അതിഖരമാകുന്നു. 'ഖ്' എന്നതിനോട് 'അ' ചേരുമ്പോള്‍ 'ഖ'. ക് + ഹ് + അ = ഖ. 'ക'യുടെ അതിഖരമായ ഇതിന് 'മഹാപ്രാണം' എന്നും പേരുണ്ട്. ഉച്ചരിക്കുമ്പോള്‍ ശക്തിയില്‍ വായു പുറത്തേക്കു വരുന്നതിനാല്‍ മഹാപ്രാണീകരണം നടക്കുന്നു. ഖരം അല്പപ്രാണവും അതിഖരം മഹാപ്രാണവുമാണ്. സ്ഥാനത്തെ ആസ്പദമാക്കി 'ഖ' കണ്ഠ്യം ആണ്.
ദ്രാവിഡഭാഷകളില്‍ 'ഖ' കാരം ഉണ്ടായിരുന്നില്ല. സംസ്കൃതത്തില്‍നിന്നു സ്വീകരിച്ചിട്ടുള്ള പദങ്ങളിലാണ് ഇത് അധികവും പ്രയോഗിച്ചുകാണുന്നത്. പഴയ മലയാളത്തിലും തദ്ഭവരൂപങ്ങളിലും 'ഖ'കാരത്തിന്റെ സ്ഥാനത്ത് 'ക'കാരം പ്രയോഗിച്ചുകാണുന്നു. സാധാരണ നിലയില്‍ 'ഖ'യുമായി വ്യഞ്ജനങ്ങള്‍ ചേര്‍ത്ത് സംയുക്തവ്യഞ്ജനങ്ങള്‍ ഉണ്ടാക്കാറില്ല.
