This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കേളിഗോപാല്‍നൃത്തം
സര്‍വ്വവിജ്ഞാനകോശം സംരംഭത്തില്‍ നിന്ന്
കേളിഗോപാല്‍നൃത്തം
അസമില്‍ പ്രചാരത്തിലുള്ള ഒരു നൃത്തം. ശ്രീകൃഷ്ണനെക്കുറിച്ചുള്ള പുരാണകഥകളെ അവലംബമാക്കി അവതരിപ്പിക്കപ്പെടുന്ന നൃത്തരൂപമാണിത്. വളരെ സങ്കീര്‍ണവും അനേകം സംഭവകഥകളെ ആസ്പദമാക്കിയുള്ളതും ആയ ഈ നൃത്തത്തിന്റെ ആരംഭം കൗമാരപ്രായമെത്തിയ കൃഷ്ണന്‍ ചങ്ങാതിമാരായ ഗോപന്മാരോടൊത്ത് രംഗത്തിലെത്തി നൃത്തം തുടങ്ങുന്നതോടെയാണ്. ആ സന്ദര്‍ഭത്തില്‍ ബകാസുരന്‍ ആ നൃത്തസംഘത്തെ ആക്രമിക്കുകയും ശ്രീകൃഷ്ണന്‍ ആ അസുരനെ ദ്വന്ദ്വയുദ്ധത്തില്‍ വധിക്കുകയും ചെയ്യുന്നു. വിജയഭേരി മുഴക്കി ശ്രീകൃഷ്ണന്‍ തന്റെ അനുയായികളുമൊത്ത് വീണ്ടും നൃത്തം ചെയ്യുമ്പോള്‍ ശംഖാസുരന്‍ എന്ന മറ്റൊരുവന്‍ നൃത്തവലയം ഭേദിച്ചു ഗോപീഗോപന്മാരെ ഭയപ്പെടുത്തുന്നു. ആ അസുരനെയും ശ്രീകൃഷ്ണന്‍ നിഗ്രഹിക്കുന്നു. വിഷ്ണുവിന്റെ പത്ത് അവതാരങ്ങളെയും പ്രകീര്‍ത്തിച്ചുകൊണ്ട് ചെയ്യുന്ന നൃത്തത്തോടുകൂടി കേളിഗോപാല്‍ എന്ന നൃത്തം അവസാനിക്കുന്നു. ഈ നൃത്തത്തിന് പക്കവാദ്യമായി ഉപയോഗിക്കുന്നത് ഖോല്‍ഡ്രം എന്ന താളവാദ്യമാണ്.
(പ്രൊഫ. മോഹനചന്ദ്രന്‍നായര്‍)
