This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അന്റിലിസ് ദ്വീപുകള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അന്റിലിസ് ദ്വീപുകള്‍
Antilles Islands
വെസ്റ്റ് ഇന്‍ഡീസിലെ ബഹാമസ് ഒഴിച്ചുള്ള ദ്വീപുകളുടെ പൊതുനാമധേയം. യൂറോപ്പിനു പടിഞ്ഞാറ് അത്‍ലാന്തിക്കിലെവിടെയോ കിടക്കുന്നുവെന്നു വിശ്വസിക്കപ്പെട്ടുപോന്ന ഒരു സാങ്കല്പികമേഖലയാണ് 'അന്റിലിസ്' എന്ന പേരിന്നാസ്പദം. ഈ ദ്വീപുകളെ ആദ്യം കണ്ടെത്തിയ യൂറോപ്യന്‍ ക്രിസ്റ്റഫര്‍ കൊളംബസ് ആണ്. വലുപ്പച്ചെറുപ്പമനുസരിച്ച് ഈ ദ്വീപുകള്‍ രണ്ടു വിഭാഗങ്ങളായി ഗണിക്കപ്പെടുന്നു. ക്യൂബ, ഹിസ്പാനിയോളാ, ജമേക്ക, പ്യൂര്‍ട്ടോറിക്കോ എന്നിവ 'ഗ്രേറ്റര്‍ അന്റിലിസി'ല്‍ ഉള്‍പ്പെടുന്നു; ബാക്കിയുള്ളവ 'ലെസ്സര്‍ അന്റിലിസി'ലും. വെനീസ്വലയുടെ വടക്കന്‍ തീരം മുതല്‍ ഫ്ളോറിഡ വരെ ഇടവിട്ടു കിടക്കുന്ന ഈ ദ്വീപസമൂഹം ചാപാകൃതിയില്‍ കാണപ്പെടുന്നു. മൊത്തം നീളം 4,000 കി.മീ. -ഓളം വരും. പൊതുവേ പര്‍വതങ്ങള്‍ നിറഞ്ഞ ഭൂപ്രകൃതിയാണ്. കടുത്ത ചൂടും കനത്ത മഴയുമുള്ള ഉഷ്ണമേഖലാ കാലാവസ്ഥയാണുള്ളത്.
