This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആന്‍ഹൈഡ്രറ്റ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
ആന്‍ഹൈഡ്രറ്റ്‌
Anhydrite
കാല്‍സിയത്തിന്റെ നിര്‍ജല (Anhydrous) സല്‍ഫേറ്റ്‌ ധാതു; ഫോര്‍മുല CaSO4. വെളുത്തതോ, നരച്ച നിറമുള്ളതോ ആയ തരിമയ പദാര്‍ഥമായാണ്‌ സാധാരണ കണ്ടുവരാറുള്ളത്‌; വളരെ അപൂര്‍വമായി മുഴുത്ത സമചതുര്‍ഭുജീയ പരലുകളായും ലഭ്യമാണ്‌; ഇവ പളുങ്കുകളെപ്പോലെയോ കാചസമാനമായോ തിളങ്ങുന്നു. ക്രമരഹിതമായ വിഭഞ്‌ജനം മറ്റൊരു സവിശേഷതയാണ്‌. ആ.സാ. 2.98; കാഠിന്യം 3-3.5; എളുപ്പം ഉരുകുന്നു; ജലത്തില്‍ അല്‌പമായി ലയിക്കും.
ശിലാകാരകധാതുക്കളുടെ കൂട്ടത്തില്‍ വളരെ പ്രാധാന്യമര്‍ഹിക്കുന്ന ഒരു പദാര്‍ഥമാണ്‌ ആന്‍ഹൈഡ്രറ്റ്‌. സാധാരണയായി ജിപ്‌സം, ചുണ്ണാമ്പുകല്ല്‌, ഡോളമൈറ്റ്‌, കല്ലുപ്പ്‌ എന്നിവയുമായി ഇടകലര്‍ന്നാണ്‌ അവസ്ഥിതി. ഉയര്‍ന്ന ലവണത്വമുള്ള കടല്‍ വെള്ളം 42°C-ല്‍ കൂടിയ ഊഷ്‌മാവില്‍ ബാഷ്‌പീകരിക്കപ്പെടുമ്പോഴുണ്ടാകുന്ന അവക്ഷിപ്‌തങ്ങളാണ്‌ ആന്‍ഹൈഡ്രറ്റ്‌ ആയിത്തീരുന്നത്‌. ജലാംശവുമായി കലര്‍ന്ന്‌ പ്രകൃത്യാതന്നെ ജിപ്‌സമായി പരിവര്‍ത്തിതമാകുന്നു. ജിപ്‌സത്തെ ഉന്നതോഷ്‌മാവില്‍ (200°C)നിര്‍ജലീകരിച്ച്‌ കൃത്രിമമായി ആന്‍ഹൈഡ്രറ്റ്‌ ഉത്‌പാദിപ്പിക്കാം. ജിപ്‌സത്തെപ്പോലെ ഇത്‌ വ്യാപകമായി ഉപയോഗിക്കപ്പെടുന്നില്ല.
ലോകത്തെ മിക്കപ്രദേശങ്ങളിലും ആന്‍ഹൈഡ്രറ്റ്‌ നിക്ഷേപങ്ങള്‍ അവസ്ഥിതമാണ്‌.
