This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എന്‍കെഫലോമൈലൈറ്റിസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
എന്‍കെഫലോമൈലൈറ്റിസ്‌
Encephalomylitis
മസ്‌തിഷ്‌കവും മേരുരജ്ജുവും(spinal cord)രോഗാണുക്കളാല്‍ ആക്രമിക്കപ്പെട്ട അവസ്ഥ. എന്‍കെഫലൈറ്റിസ്‌ എന്ന രോഗത്തിനു കാരണങ്ങളായ രോഗാണുക്കളെല്ലാം തന്നെ ഈ അവസ്ഥയ്‌ക്കും കാരണമാകാം. ചിലപ്പോള്‍ വസൂരി, പേപ്പട്ടിവിഷബാധ എന്നിവയ്‌ക്കെതിരായിട്ടുള്ള കുത്തിവയ്‌പിനുശേഷവും ഈ അവസ്ഥയുണ്ടാകാം. എന്നാല്‍ പല രോഗികളിലും പ്രത്യക്ഷകാരണമൊന്നും കൂടാതെ തന്നെ ഈ രോഗം ഉണ്ടാകുന്നതായിക്കാണുന്നു.
എന്‍കെഫലോമൈലൈറ്റിസ്സില്‍ നാഡീവ്യൂഹത്തിലെ കോശങ്ങള്‍ക്കോ, അല്ലെങ്കില്‍ കോശതന്തുക്കളെ ആവരണം ചെയ്യുന്ന മൈലിന്‍ (Myelin) എന്ന പദാര്‍ഥത്തിനോ നാശം സംഭവിക്കുന്നതു സാധാരണമാണ്‌. ബോധക്ഷയം, സന്നി (Fits) തെളര്‍ച്ച (Paralysis))എന്നിവയും കൈകാലുകള്‍ക്കു പ്രവര്‍ത്തനരാഹിത്യവും സ്‌പര്‍ശനശക്തിനാശവും ഈ രോഗികള്‍ക്കു സംഭവിക്കാറുണ്ട്‌. തക്കതായ ചികിത്സ വിരളമാണ്‌. പല രോഗികളിലും രോഗമൂര്‍ഛയെ തടയാന്‍ കോര്‍ട്ടിസോണ്‍ ഇനത്തില്‍പ്പെട്ട മരുന്നുകള്‍ ഫലപ്രദമായി ഉപയോഗിക്കുന്നു. നോ. എന്‍കെഫലൈറ്റിസ്‌
(ഡോ. ജി. വാസുദേവയ്യര്‍)
