This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എക്കർസ്‌ബെർഗ്‌,ക്രിസ്റ്റഫർ വിൽഹെൽമ്‌ (1783-1853)
സര്‍വ്വവിജ്ഞാനകോശം സംരംഭത്തില്‍ നിന്ന്
എക്കര്‍സ്‌ബെര്‍ഗ്‌,ക്രിസ്റ്റഫര്‍ വില്‍ഹെല്‍മ്‌ (1783-1853)
Eckersberg, Christoffer Wilhelm
.jpg)
ഡാനിഷ്‌ നിയോക്ലാസ്സിക്കല്‍ ചിത്രകാരന്‍. 1783 ജനു. 2-ന്‌ ബ്ലാക്‌റോഗില്‍ ജനിച്ചു. കോപ്പന്‍ഹേഗന്‍ "അക്കാദമി ഒഫ്‌ ഫൈന്‍ ആര്‍ട്ട്‌സി'ല്‍ ശിക്ഷണം (1810-13) നേടിയ ശേഷം പാരിസിലേക്കു പോയി. അവിടെ ലൂയി ഡേവിഡിന്റെ ശിഷ്യത്വം സ്വീകരിച്ച്‌ ക്ലാസ്സിക്കല്‍ ഛായാചിത്രങ്ങളുടെ രചനയില്‍ അറിവുനേടി. ഷീന്‍ അഗസ്റ്റ്‌ ഡൊമിനിക്ക്‌ ഇങ്‌ഗ്ര്‌ എന്ന ചിത്രകാരനും എക്കര്‍സ്‌ബെര്‍ഗിനെ ചിത്രരചനാഭ്യസനത്തില്‍ സഹായിച്ചിട്ടുണ്ട്‌. 1813-16 കാലയളവില്‍ റോമില്‍വച്ചാണ്‌ ഇങ്‌ഗ്ര്‌, ഡാനിഷ്‌ നിയോക്ലാസ്സിക്കല്‍ ശില്‌പിയായ ബര്‍ങല്‍ തോര്‍വാഡ്‌സെന്‍ എന്നിവരുമായി എക്കര്‍സ്‌ബെര്‍ഗ്‌ പരിചയപ്പെട്ടത്‌. 1816-ല്‍ കോപ്പന്‍ഹേഗന്‍ ലളിതകലാ അക്കാദമിയില്‍ ഒരു അധ്യാപകനായി എക്കര്‍സ്‌ബെര്‍ഗ്‌ നിയമിക്കപ്പെട്ടു. ഭൂദൃശ്യചിത്രത്തിന്‌ നിക്കോളാസ്‌ പോസിനെയും ക്ലാഡ്‌ ലോറേനെയുമാണ്‌ എക്കര്‍സ്‌ബെര്‍ഗ്‌ മാതൃകയായി സ്വീകരിച്ചത്‌. ചിത്രത്തിന്റെ വലുപ്പം, പ്രകാശം എന്നിവയെ സംബന്ധിച്ചുള്ള ഇവരുടെ ആശയങ്ങള്‍ക്ക്‌ എക്കര്‍സ്‌ബെര്‍ഗ്‌ വില കല്‌പിച്ചിരുന്നുവെങ്കിലും അവ അപ്പാടെ സ്വീകരിച്ചിരുന്നില്ല. റോമിനെ ആസ്‌പദമാക്കി എക്കര്‍സ്‌ബെര്‍ഗ്‌ രചിച്ച ചിത്രങ്ങള്‍ ഇദ്ദേഹം നവീനയുഗത്തിന്റെ പ്രതിനിധിയാണെന്ന്‌ തെളിയിക്കുന്നു. ഇതിനുദാഹരണമാണ്‌
_1841.jpg)
1814-ല്‍ വരച്ച ലാന്‍ഡ്‌സ്‌കേപ്‌ അറ്റ്‌ ഫൊണ്ടാനു അസറ്റോസാ എന്ന ചിത്രം. ഡാനിഷ്‌ കടല്‍ത്തീരങ്ങളെപ്പറ്റി എക്കര്‍സ്‌ബെര്‍ഗ്‌ പഠനം നടത്തിയിട്ടുണ്ട്‌. തന്റെ ആത്മസംതൃപ്‌തിക്കുവേണ്ടി മാത്രമായി ഇതിന്റെ മൂന്നു ചിത്രങ്ങള്‍ ഇദ്ദേഹം വരച്ചിട്ടുണ്ട്‌. ഇവയുടെ രചനയില്‍ ചിത്രരചനാകീഴ്‌വഴക്കങ്ങള്‍ക്ക്‌ സ്ഥാനം കല്‌പിച്ചിട്ടില്ലായെങ്കിലും ഇവ ഇപ്പോഴും ആകര്‍ഷകങ്ങളായി പരിഗണിക്കപ്പെടുന്നു. സ്‌ത്രീരൂപങ്ങള്‍ ചിത്രണംചെയ്യുന്നതില്‍ മുന്‍കൈയെടുത്ത ഒരാളാണ്‌ ഇദ്ദേഹം. ഷാന്റെ വിഭാഗത്തിലെ ഒരു ഉത്തമ കലാസൃഷ്‌ടിയാണ്‌ 1830-40 കാലത്ത്‌ ഇദ്ദേഹം രചിച്ച "ദര്‍പ്പണിനു മുന്‍പിലെ നഗ്നരൂപം' (Nude figure in front of a mirror) എന്ന ചിത്രം.
1853 ജൂല. 22-ന്‌ ഇദ്ദേഹം കോപ്പന്‍ഹേഗനില്‍ നിര്യാതനായി.
