This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എംപിരിക്കൽ ഫോർമുല
സര്‍വ്വവിജ്ഞാനകോശം സംരംഭത്തില്‍ നിന്ന്
എംപിരിക്കല്‍ ഫോര്‍മുല
Empirical formula
രസതന്ത്രവിജ്ഞാനീയത്തിൽ ഒരു പദാര്‍ഥത്തിന്റെ ഏറ്റവും സരളമായ ഫോര്‍മുല. ഏതെല്ലാം മൂലകങ്ങളുടെ അണുക്കള്‍ ഏതനുപാതത്തിൽ ചേര്‍ന്നിട്ടാണു പ്രസ്‌തുത യൗഗികം ഉത്‌പന്നമായിട്ടുള്ളതെന്ന്‌ ഈ ഫോര്‍മുല ദ്യോതിപ്പിക്കുന്നു. എംപിരിക്കൽഫോര്‍മുല പലപ്പോഴും തന്മാത്രാഫോര്‍മുല ആകണമെന്നില്ല; എന്നാൽ അപൂര്‍വാവസരങ്ങളിൽ അങ്ങനെയാകുന്നതിനും ഉദാഹരണമുണ്ട്‌. ഒന്നിലധികം പദാര്‍ഥങ്ങള്‍ക്ക്‌ ഒരേ എംപിരിക്കൽ ഫോര്‍മുല സാധ്യമാണ്‌. ഈ ആശയങ്ങള്‍ വിശദമാക്കുന്ന ഒരു പട്ടിക താഴെ കൊടുത്തിരിക്കുന്നു:
ഗുണാത്മകവിശ്ലേഷണം വഴി ഒരു പദാര്‍ഥത്തിൽ ഏതെല്ലാം മൂലകങ്ങളടങ്ങിയിട്ടുണ്ടെന്നു കണ്ടുപിടിക്കാം. പരിമാണാത്മക വിശ്ലേഷണംവഴി ആ മൂലകങ്ങള്‍ ഏതു ശതമാനത്തോതിലാണു ചേര്‍ന്നിട്ടുള്ളതെന്നു മനസ്സിലാക്കിയശേഷം ആണവ-അനുപാതം (atomic proportion) കണക്കാക്കി എംപിരിക്കൽ ഫോര്‍മുല നിശ്ചയിക്കാവുന്നതാണ്‌. തന്മാത്രാഫോര്‍മുലയിൽനിന്ന്‌ എംപിരിക്കൽ ഫോര്‍മുല എളുപ്പത്തിൽ വ്യുത്‌പാദിപ്പിക്കാമെങ്കിലും മറിച്ചു സാധ്യമല്ല. പദാര്‍ഥത്തിന്റെ തന്മാത്രാഭാരം അറിഞ്ഞതിനുശേഷമേ അതു സാധ്യമാകയുള്ളൂ.
