This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓസ്റ്റ്രാകോഡെർമൈ
സര്‍വ്വവിജ്ഞാനകോശം സംരംഭത്തില്‍ നിന്ന്
ഓസ്റ്റ്രാകോഡെര്‍മൈ
Ostracoderm
കട്ടിയുള്ള അസ്ഥിഫലകങ്ങളോ ശല്‌ക്കങ്ങളോ കൊണ്ട്‌ ആവൃതമായ ശരീരത്തോടുകൂടിയ മത്സ്യങ്ങളുടെ ഒരു വിഭാഗം. "മത്സ്യയുഗം' (Age of Fishes)എന്നറിയപ്പെട്ടിരുന്ന ഡെവോണിയന്‍ കാലഘട്ടത്തിലാണ്‌ (ഉ. 36 കോടി വര്‍ഷംമുമ്പ്‌) ഇവ ജീവിച്ചിരുന്നത്‌. ഓസ്റ്റ്രാകോണ്‍ (ostracon: shell),ഡെര്‍മ (derma: skin)എന്നീ ഗ്രീക്‌ പദങ്ങളില്‍നിന്നാണ്‌ "ഒസ്റ്റ്രാകോഡെര്‍മൈ'യുടെ നിഷ്‌പത്തി. ബഹുഭുജാകൃതിയുള്ള അസ്ഥിഫലകങ്ങള്‍ യോജിച്ച്‌ മൂന്നോ, നാലോ, അഞ്ചോ കോണുകളുള്ള ഒരു പെട്ടിയുണ്ടാകുന്നു. മത്സ്യത്തിന്റെ ശരീരാവരണമായി വര്‍ത്തിച്ചിരുന്നത്‌ ഈ പെട്ടിയാണ്‌. പുരാതനസമുദ്രങ്ങളായിരുന്നു ഈ മത്സ്യങ്ങളുടെ വാസരംഗങ്ങള്‍. ഈ വിഭാഗത്തിലെ മാതൃകാജീനസ്‌ ഓസ്റ്റ്രഷിയണ്‍ എന്നറിയപ്പെടുന്നു.
കെഫലാസ്‌പിഡ, അനാസ്‌പിഡ, സീലോലെപിഡ, റ്റീറാസ്‌പിഡ എന്നീ മത്സ്യവിഭാഗങ്ങളെ ഒരുമിച്ചുചേര്‍ത്ത്‌ രൂപംകൊടുത്ത ഒസ്റ്റ്രാകോഡെര്‍മൈയ്‌ക്ക്‌ ഒരു ഉപവര്‍ഗത്തിന്റെ സ്ഥാനം നല്‌കുന്ന ജന്തുശാസ്‌ത്രജ്ഞര്‍ കുറവല്ല. ഹനുക്കളില്ലാത്ത (jawless)ഈ മത്സ്യങ്ങള്‍ക്കെല്ലാം അസ്ഥിനിര്‍മിതമായ ഒരു ബാഹ്യാവരണവും, ആന്തരകര്‍ണത്തിനുള്ളില്‍ രണ്ട്‌ സെമി-സെര്‍ക്കുലര്‍ കനാലുകളും ഉണ്ടായിരുന്നു. ഒസ്റ്റ്രാകോഡെര്‍മുകളില്‍ ഒന്നില്‍പ്പോലും ശ്രാണീപത്രങ്ങള്‍ കാണപ്പെട്ടിരുന്നില്ല; ഭുജ"പത്ര'മാകട്ടെ കെഫലാസ്‌പിഡുകളിലും അനാസ്‌പിഡുകളിലും മാത്രമേ ഉണ്ടായിരുന്നുള്ളൂ. ഒസ്റ്റ്രാകോഡെര്‍മുകള്‍ ഡെവോണിയന്‍ കാലഘട്ടത്തെ അതിജീവിച്ചതായി കരുതാന്‍ നിര്‍വാഹമില്ല. ഒസ്റ്റ്രാകോഡേം, "സ്റ്റോക്കി'ല്‍നിന്ന്‌ ഉരുത്തിരിഞ്ഞുവന്നവയാണ്‌ ലാംപ്‌റേകളും ഹാഗ്‌ഫിഷുകളും.
