This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കാസ്‌കരാ സഗ്രഡ
സര്‍വ്വവിജ്ഞാനകോശം സംരംഭത്തില്‍ നിന്ന്
കാസ്‌കരാ സഗ്രഡ
Cascara Sagrada
ഒരു പ്രകൃതിദത്ത വിരേചകം. വടക്കേ അമേരിക്ക, കെനിയ, ബ്രിട്ടീഷ്‌ കൊളംബിയ എന്നിവിടങ്ങളിൽ കൃഷിചെയ്‌തുവരുന്ന റാമ്‌നസ്‌ പുർഷിയാനാ (Rhamnus purshiana) എന്ന വൃക്ഷത്തിന്റെ പുറം തൊലിയിൽ നിന്നാണ്‌ ഇത്‌ നിഷ്‌കർഷണം ചെയ്‌തെടുക്കുന്നത്‌. "വിശുദ്ധമരപ്പട്ട' (sacred bark) എന്ന്‌ അർഥമുള്ള സ്‌പാനിഷ്‌ പദമാണ്‌ കാസ്‌കരാ സഗ്രഡ. "പേർഷ്യന്‍ ബാർക്‌', "ബിയർബെറിബാർക്‌', "ബിയർവുഡ്‌' എന്നൊക്കെ പ്രാദേശികമായി പറഞ്ഞുവരുന്നു.
വിരേചനത്തിനു സഹായിക്കുന്ന പല വസ്‌തുക്കളും മരപ്പട്ടയിലടങ്ങിയിട്ടുണ്ടെങ്കിലും ആന്‍ഥ്രാക്വിനോണുകളാണ്‌ പ്രധാന വിരേചനകാരി എന്നു കണ്ടെത്തിയിട്ടുണ്ട്‌. വെട്ടിയെടുത്തയുടനെയുള്ള മരപ്പട്ട ഉപയോഗപ്പെടുത്തിയാൽ ഛർദിയും രക്താതിസാരവും ഉണ്ടാകുന്നതായി കണ്ടെത്തിയിട്ടുണ്ട്‌. പുറംതൊലി ശേഖരിച്ചു കഴിഞ്ഞാൽ ഒരു വർഷത്തോളം സൂക്ഷിച്ചശേഷം പാകപ്പെടുത്തിയാണ്‌ ഔഷധനിഷ്‌കർഷണം ചെയ്യേണ്ടത്‌. ദീർഘകാല ഉപയോഗം അർബുദത്തിന്‌ കാരണമാകുന്നതായി പഠനങ്ങള്‍ തെളിയിക്കുന്നു.
