This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കൂഫി എഴുത്ത്‌
സര്‍വ്വവിജ്ഞാനകോശം സംരംഭത്തില്‍ നിന്ന്
കൂഫി എഴുത്ത്‌
Kufic Script
ഒരു അറബിലിപി. ഈ ലിപിയിൽ അറബി അക്ഷരങ്ങള്‍ കോണുകളോടു കൂടി എഴുതുന്നു. കൂഫ പട്ടണം സ്ഥാപിക്കുന്നതിനു മുമ്പുതന്നെ ഇത്‌ പ്രചാരത്തിലുണ്ടായിരുന്നു. പ്രധാനമായും ഖുർആന്‍, ഔദ്യോഗിക രേഖകള്‍, നാണ്യങ്ങള്‍ എന്നിവയിലാണ്‌ ഇത്‌ ഉപയോഗിച്ചിരുന്നത്‌. 691-ൽ അബ്‌ദുൽമലിക്ക്‌ ജെറുസലേമിൽ "ഡോം ഒഫ്‌ ദ്‌ റോക്ക്‌' നിർമിച്ചപ്പോള്‍ തന്റെ പേര്‌ ഈ ലിപിയിലാണ്‌ എഴുതിയിരുന്നത്‌. ഇത്‌ ഇന്നു നിലവിലുള്ള ഇസ്‌ലാമിക-എഴുത്തുകളിൽ ഏറ്റവും പഴയതാണ്‌. കോർഡോവ പട്ടണത്തിൽ കൂഫി ലിപിയിൽ ഖുർആന്‍ പകർത്താന്‍ കഴിവുള്ള 170-ഓളം സ്‌ത്രീകളുള്ള 287 കോളനികളുണ്ടായിരുന്നതായി ഇബ്‌നുൽ ഹയ്യാൽ അഭിപ്രായപ്പെടുന്നു. നൂറുദ്ദീന്‍ മഹ്മൂദിന്റെ കാലത്താണ്‌ കോണുകളുള്ള കൂഫി ലിപിക്ക്‌ പകരം വൃത്താകൃതിയിലുള്ള "നക്ഷി' എഴുത്ത്‌ ആരംഭിച്ചത്‌. നോ. നക്ഷിയെഴുത്ത്‌
(പ്രാഫ. വി. മുഹമ്മദ്‌)
