This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കണാരന്‍, തത്ത (1860 97)
സര്‍വ്വവിജ്ഞാനകോശം സംരംഭത്തില്‍ നിന്ന്
കണാരന്‍, തത്ത (1860 97)
മലയാള ഗദ്യസാഹിത്യകാരഌം വിവര്‍ത്തകഌം. തലശ്ശേരിയില്‍ തത്ത എന്ന തറവാട്ടില്‍ ഇദ്ദേഹം ജനിച്ചു (1860). എഫ്‌.എ. പരീക്ഷ പാസായ കണാരന്‍ തലശ്ശേരി ബാസല്‍മിഷന്‍ പാഴ്‌സി സ്‌കൂളില്‍ അധ്യാപകനായും പ്രഥമാധ്യാപകനായും ജോലിനോക്കി. പിന്നീട്‌ കുറേക്കാലം പ്രാബേഷണറി പൊലീസ്‌ ഇന്‍സ്‌പെക്‌ടറായി ജോലി നോക്കിയെങ്കിലും ആ പണി ഉപേക്ഷിച്ച്‌ മുഴുവന്‍ സമയവും സാഹിത്യ പ്രവര്‍ത്തനത്തിന്‌ വിനിയോഗിച്ചു. ഇംഗ്ലീഷിലും മലയാളത്തിലും ഒരുപോലെ ഉപന്യാസങ്ങള്‍ രചിക്കാഌള്ള പ്രാവീണ്യം കണാരഌണ്ടായിരുന്നു. സര്‍ വാള്‍ട്ടര്‍ സ്‌കോട്ടിന്‍െറ ലേഡി ഒഫ്‌ ദ്‌ ലേക്ക്‌ എന്ന കാവ്യം സരോഭാമിനീ വിലാസം എന്ന പേരില്‍ ഇദ്ദേഹം മലയാളത്തിലേക്കു വിവര്‍ത്തനം (ഗദ്യം)ചെയ്‌തിട്ടുണ്ട്‌. മറ്റൊരു ശ്രദ്ധേയ കൃതിയായ രസലേശിക സാമുവല്‍ ജോണ്‍സന്‍െറ റാസലെസ്‌ എന്ന നോവലിന്‍െറ പരിഭാഷയാണ്‌.
ഇംഗ്ലീഷില്‍ നിന്നു മലയാളത്തിലേക്കും മലയാളത്തില്‍നിന്നു ഇംഗ്ലീഷിലേക്കും വിവര്‍ത്തനം ചെയ്യേണ്ടതെങ്ങനെയെന്ന്‌ ഉദാഹരണസഹിതം പ്രതിപാദിക്കുന്ന ഇദ്ദേഹത്തിന്റെ കൃതിയാണ്‌ കംപാരറ്റീവ്‌ സ്റ്റഡി ഒഫ്‌ ഇംഗ്ലീഷ്‌ ആന്‍ഡ്‌ മലയാളം ആസ്‌ എഗൈഡ്‌ ടു റെസിപ്രാക്കല്‍ ട്രാന്‍സ്‌ലേഷന്‍. രണ്ടു ഭാഷകളില്‍ നിന്നും നിരവധി ഗദ്യപദ്യഭാഗങ്ങള്‍ ഇതില്‍ ഉദാഹരണങ്ങളായി ചേര്‍ത്തിട്ടുണ്ട്‌. കണാരന്‍െറ ഭാഷാരീതി പ്രൗഢമാണ്‌. 1897 ജൂല. 2ഌ ഇദ്ദേഹം അന്തരിച്ചു.
