This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഈശാനുഭൂതി യതി
സര്‍വ്വവിജ്ഞാനകോശം സംരംഭത്തില്‍ നിന്ന്
ഈശാനുഭൂതി യതി
കേരളീയ സംസ്‌കൃത കവി. 17-ാം നൂറ്റാണ്ടിൽ ജീവിച്ചിരുന്നതായി കരുതേണ്ടിയിരിക്കുന്നു. ഭക്തിരസപ്രധാനമായ ധാരാളം കൃതികള്‍ രചിച്ചിട്ടുള്ള ഈ പണ്ഡിതന്‍ തൃശൂർ ബ്രഹ്മസ്വം മഠത്തിലെ ഒരു "സ്വാമിയാർ' ആയിരിക്കണമെന്നും തിരുവനന്തപുരത്തെ ശ്രീപദ്‌മനാഭസ്വാമിക്ഷേത്രത്തെക്കുറിച്ച്‌ ഇദ്ദേഹത്തിന്റെ വകയായി ഏതാനും ശ്ലോകങ്ങള്‍ കാണുന്നതുകൊണ്ട്‌ കുറച്ചു കാലമെങ്കിലും ഇദ്ദേഹം മതിലകത്തെ "പുഷ്‌പാഞ്‌ജലി സ്വാമിയാർ' എന്ന നിലയിൽ കഴിഞ്ഞിട്ടുണ്ടാകുമെന്നും സാഹിത്യചരിത്രകാരന്മാർ ഊഹിക്കുന്നു. ഇദ്ദേഹത്തെക്കുറിച്ച്‌ മറ്റു കാര്യമായ വിവരങ്ങളൊന്നും ലഭിച്ചിട്ടില്ല. രാമായണാമൃതം, രാമശതകം, കൃഷ്‌ണശതകം, വാസുദേവശതകം, പദ്‌മനാഭസ്‌തുതി, ഭാരതസംക്ഷേപം, ചില കൃഷ്‌ണസ്‌തുതികള്‍ തുടങ്ങിയവയാണ്‌ ഈശാനുഭൂതി യതിയുടേതായി ലഭ്യമായിരിക്കുന്ന കൃതികള്‍. പ്രകടമായ സ്‌തോത്രഭാവത്തിനുള്ളിൽ വേദനാപരമായ പല അർഥസൂചനകളും ഇദ്ദേഹത്തിന്റെ കൃതികളിൽ കാണാനുണ്ട്‌.
