This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓഡിന്‍ഗ (1912 - 94)
സര്‍വ്വവിജ്ഞാനകോശം സംരംഭത്തില്‍ നിന്ന്
ഓഡിന്‍ഗ (1912 - 94)
Odinga
കെനിയയിലെ ഇടതുപക്ഷ ദേശീയ നേതാവ്‌. 1912-ൽ സക്‌വയിൽ ജനിച്ചു. മക്‌റേറെ യൂണിവേഴ്‌സിറ്റി കോളജിൽ വിദ്യാഭ്യാസം ചെയ്‌ത ഇദ്ദേഹം ആദ്യം ഒരു അധ്യാപകനായിരുന്നു. 1957-ൽ ലെജിസ്ലേറ്റീവ്‌ കൗണ്‍സിലിൽ ആഫ്രിക്കക്കാരായ തെരഞ്ഞെടുക്കപ്പെട്ട അംഗങ്ങളുടെ സംഘടന(African Elected Members, Organisation)യുടെ ചെയർമാനായി. 1959-ൽ കൗണ്‍സിലിലെ "കെനിയന്‍ സ്വാതന്ത്ര്യപ്രസ്ഥാന'ത്തിന്റെ പ്രസിഡന്റായി. 1950-കളിൽ കെനിയയ്‌ക്കായി ബ്രിട്ടീഷുകാർ വാഗ്‌ദാനം ചെയ്‌ത ബഹുവർഗരാഷ്‌ട്രീയ പ്രാതിനിധ്യം എന്ന ആശയത്തെ ഇദ്ദേഹം എതിർത്തു. കെനിയ ആഫ്രിക്കന്‍ നാഷണൽ യൂണിയ(K.A.N.U.)ന്റെ ഭരണഘടനാക്കമ്മിറ്റിയിൽ ഇദ്ദേഹം അംഗമായിരുന്നു; തുടർന്ന്‌ യൂണിയന്റെ വൈസ്‌ പ്രസിഡന്റായി. പ്രാകൃതവർഗക്ഷേമത്തിനായുള്ള ലുഓ യൂണിയ(Luo Union)ന്റെ പ്രസിഡന്റും ആഫ്രിക്കക്കാർക്ക്‌ കച്ചവടസൗകര്യത്തിനായുള്ള "ലുഓ ത്രിഫ്‌റ്റ്‌ ആന്‍ഡ്‌ ട്രഡിങ്‌ കോർപ്പറേഷന്റെ' സ്ഥാപക പ്രസിഡന്റും ആയിരുന്നു ഇദ്ദേഹം. 1963-ൽ ഇദ്ദേഹം ജനപ്രതിനിധി സഭയിലേക്ക്‌ തെരഞ്ഞെടുക്കപ്പെട്ടു. ഇതേവർഷം ഡിസംബറിൽ കെനിയ സ്വതന്ത്രമായപ്പോള്‍ ആഭ്യന്തരകാര്യമന്ത്രിയായി (1963-64); തുടർന്ന്‌ വൈസ്‌പ്രസിഡന്റ്‌, വകുപ്പില്ലാമന്ത്രി എന്നീ പദവികള്‍ വഹിച്ചു. 1965-66 കാലത്ത്‌ ഇദ്ദേഹം "കനു' (KANU) വിട്ടുപോവുകയും "കെനിയന്‍ പീപ്പിള്‍സ്‌ യൂണിയന്‍' എന്ന ഒരു പുതിയ ഇടതുപക്ഷ പാർട്ടി രൂപവത്‌കരിക്കുകയും ചെയ്‌തു.
1982-ൽ ഓഡിന്‍ഗ ഒരു രാഷ്‌ട്രീയ പാർട്ടി രൂപീകരിക്കുവാന്‍ ശ്രമിച്ചെങ്കിലും ഭരണാധികാരിയായ അറ്റോർണി ജനറൽ അത്‌ പരാജയപ്പെടുത്തി. 1991-ൽ ഫോറം ഫോർ റെസ്റ്റോറേഷന്‍ ഒഫ്‌ ഡെമോക്രസി രൂപീകരിക്കുകയും അതിന്റെ ചെയർമാനാവുകയും ചെയ്‌തു. പില്‌ക്കാലത്ത്‌ ഈ സംഘടന പിളരുകയും ഓഡിന്‍ഗ സജീവരാഷ്‌ട്രീയത്തിൽനിന്ന്‌ പുറന്തള്ളപ്പെടുകയും ചെയ്‌തു.
