This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കുമിളി
സര്‍വ്വവിജ്ഞാനകോശം സംരംഭത്തില്‍ നിന്ന്
കുമിളി
ഇടുക്കി ജില്ലയിലുള്‍പ്പെട്ട ഒരു പ്രദേശം. ആദി ചേരന്മാരുടെ ആദ്യ തലസ്ഥാനമായിരുന്ന "കുഴുമൂർ', കുമളി ആയിരിക്കാമെന്ന്‌ ചരിത്രകാരന്മാർ പറയുന്നു. കുമിളി പഞ്ചായത്തിന്റെ അധികഭാഗവും റിസർവ്‌ വനങ്ങളും പെരിയാർ തടാകവുമാണ്‌. ജനസംഖ്യ: 34,558 (2001).
കേരള-തമിഴ്‌നാട്‌ അതിർത്തിയിലുള്ള കുമിളി ടൗണിനടുത്താണ്‌ 181.2 ച.കി.മീ. വിസ്‌തൃതിയുള്ള പെരിയാർ തടാകവും തേക്കടി മൃഗസംരക്ഷണ കേന്ദ്രവും. അടുത്തകാലത്ത്‌ നെല്ലും കരിമ്പും കാപ്പിയും തേയിലയും ധാരാളമായി കൃഷിചെയ്‌തു വരുന്നു. ചെങ്കര, മുരുക്കടി, അമരാവതി എന്നിവ തമിഴർക്കു ഭൂരിപക്ഷമുള്ള പ്രദേശങ്ങളാണ്‌. പീരുമേട്‌-പെരിയകുളം (മധുര ഡിസ്റ്റ്രിക്‌റ്റ്‌) റോഡിലാണ്‌ കുമിളി സ്ഥിതിചെയ്യുന്നത്‌. കുമിളിചുരം മുറിച്ചുകടന്നാണ്‌ ഈ റോഡ്‌ പോകുന്നത്‌. കുമിളിചുരത്തിന്‌ 11 കി.മീ. നീളം വരും. കുമിളി, തേക്കടി യാത്രക്കാരുടെ ഒരു ഇടത്താവളമായി വികസിച്ചുവരുന്നു. ധാരാളം ഗിരിവർഗക്കാർ ഇതിനു ചുറ്റുമുള്ള വനങ്ങളിൽ താമസിക്കുന്നു.
(വിളക്കുടി രാജേന്ദ്രന്‍; സ.പ.)
