This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കിണ്ണനപ്പം
സര്‍വ്വവിജ്ഞാനകോശം സംരംഭത്തില്‍ നിന്ന്
കിണ്ണനപ്പം
അരിമാവും ശർക്കരയും ചേർത്തുണ്ടാക്കുന്ന ഒരു പലഹാരം. ഇതിന്‌ കിണ്ണത്തപ്പം, കിണ്ണപ്പം, കിണ്ണിയപ്പം എന്നീ പേരുകളുമുണ്ട്‌. അരി വെള്ളത്തിലിട്ടു കുതിർത്തെടുത്ത്‌ തേങ്ങയും ചേർത്ത്‌ ആട്ടി ശർക്കര ചീകിയിട്ടു കുഴച്ച്‌ കിണ്ണത്തിൽ കോരിയൊഴിച്ച്‌ ആവിയിൽ പുഴുങ്ങിയാണ്‌ കിണ്ണനപ്പം തയ്യാറാക്കുന്നത്‌. കിണ്ണനപ്പത്തിന്റെ രുചി വർധിപ്പിക്കുന്നതിനായി ഏലയ്‌ക്ക, മുന്തിരിങ്ങ, അണ്ടിപ്പരിപ്പ്‌ എന്നിവ ചേർക്കാറുണ്ട്‌. അരിപ്പൊടി നന്നായി തെള്ളിയെടുത്ത്‌ കപ്പി (തരങ്ങ്‌) കാച്ചിച്ചേർത്ത്‌ കള്ളും പഞ്ചസാരയും ചേർത്ത്‌ കുഴച്ച്‌ അടുത്ത ദിവസം കാലത്ത്‌ കിണ്ണത്തിൽ കോരിയൊഴിച്ച്‌ ആവിയിൽ വേവിച്ചെടുക്കുന്ന പലഹാരത്തിനെയും പ്രാദേശികമായി കിണ്ണനപ്പമെന്നും കള്ളപ്പമെന്നും പറയാറുണ്ട്‌. ഇഡ്ഡലിമാവ്‌ കിണ്ണത്തിലൊഴിച്ച്‌ പുഴുങ്ങിയെടുക്കുന്നതിനെയും ബ്രാഹ്മണരുടെ ഇടയിൽ കിണ്ണനപ്പം എന്നാണ്‌ പറയുന്നത്‌. നോ. കിണ്ണം
