This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കിച്ചടി
സര്‍വ്വവിജ്ഞാനകോശം സംരംഭത്തില്‍ നിന്ന്
കിച്ചടി
1. കേരളീയ സദ്യയിലെ ഒരു ഉപദംശം. ദക്ഷിണേന്ത്യയിൽ പൊതുവേ കിച്ചടിക്ക്‌ പ്രചാരമുണ്ട്‌. കുമ്പളങ്ങ, വെണ്ടയ്‌ക്ക, വെള്ളരിക്ക, പാവയ്‌ക്ക, കത്തിരിക്ക തുടങ്ങിയവയിൽ ഏതുപയോഗിച്ചും കിച്ചടി തയ്യാറാക്കാം. ആദ്യം കഷണം ചെറുതായി മുറിച്ച്‌ വെള്ളത്തിലിട്ടു വേവിക്കുകയോ എണ്ണയിൽ വഴറ്റി പാകപ്പെടുത്തുകയോ ചെയ്യണം. പിന്നീടു നന്നായി അരച്ച തേങ്ങയിൽ പച്ചമുളകും കടുകും ചതച്ചു ചേർത്ത കൂട്ട്‌ തൈരിൽ കലക്കി ഇതിൽ ഒഴിച്ചശേഷം താളിച്ചെടുക്കണം. വിളമ്പുമ്പോള്‍ ഇലയുടെ ഇടതുവശത്തു ഉപ്പുകഴിഞ്ഞാൽ അടുത്തസ്ഥാനം കിച്ചടിക്കാണ്‌.
2. പരിപ്പും അരിയും വേവിച്ച്‌ സ്വാദിനുവേണ്ടി ചില വ്യഞ്‌ജനങ്ങളും നെയ്യും ചേർത്തുണ്ടാക്കുന്ന ഉത്തരേന്ത്യന്‍ ആഹാരപദാർഥവും കിച്ചടി എന്ന പേരിൽ അറിയപ്പെടുന്നു.
