This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കാള്‍ഫെൽഡ്‌റ്റ്‌, എറിക്‌ അക്‌സൽ (1864 - 1931)
സര്‍വ്വവിജ്ഞാനകോശം സംരംഭത്തില്‍ നിന്ന്
കാള്‍ഫെൽഡ്‌റ്റ്‌, എറിക്‌ അക്‌സൽ (1864 - 1931)
Karlfeldt, Erik Axel
നോബൽ സമ്മാനിതനായ സ്വീഡിഷ്‌കവി. 1864-ൽ മധ്യസ്വീഡനിലെ ദലർനാ പ്രവിശ്യയിൽപ്പെട്ട കാള്‍ബോ(ഗമൃഹയീ)യിൽ ഒരു കർഷകകുടുംബത്തിൽ ജനിച്ചു. പ്രാഥമിക വിദ്യാഭ്യാസത്തിനുശേഷം ഉപ്പസാല സർവകലാശാലയിൽ ബിരുദപഠനത്തിനായി ചേർന്നു. പഠനസമയത്തുതന്നെ അധ്യാപകവൃത്തിയിലും ഏർപ്പെട്ടിരുന്ന എറിക്‌ 1898-ൽ ബിരുദം നേടി. തുടർന്ന്‌ സ്വീഡനിലെ റോയൽ ലൈബ്രറിയിൽ അഞ്ചുവർഷക്കാലം ജോലിചെയ്‌തു. 1903-ൽ കാർഷിക അക്കാദമിയുടെ ലൈബ്രറിയനായി നിയമിക്കപ്പെട്ട എറിക്‌ ഇതിനകംതന്നെ ഒരു കവിയായി പ്രശസ്‌തനായിരുന്നു. 1904-ൽ സ്വീഡിഷ്‌ അക്കാദമിയിൽ അംഗമായി ഇദ്ദേഹം തിരഞ്ഞെടുക്കപ്പെട്ടു. 1905-ൽ അക്കാദമിയുടെ നോബൽ ഇന്‍സ്റ്റിറ്റ്യൂട്ടിലും 1907-ൽ നോബൽ കമ്മിറ്റിയിലും അംഗത്വം നേടി. 1912-ൽ അക്കാദമിയുടെ സ്ഥിരം സെക്രട്ടറിയായി തിരഞ്ഞെടുക്കപ്പെട്ട എറിക്‌ മരണംവരെ ഈ പദവിയിൽ തുടർന്നു. സ്‌കൂള്‍ വിദ്യാഭ്യാസകാലത്തുതന്നെ കവിതകള്‍ രചിച്ചിരുന്ന കാള്‍ഫെൽഡ്‌റ്റിന്റെ ആദ്യ സമാഹാരം വൈൽഡ്‌മാർക്ക്‌ സ്‌ ഒഛ്‌ കാർലേക്‌സ്വിസർ (ഢശഹറാമൃസെീരവ സമൃഹലസ്‌െശീെൃ1895) ആണ്‌. ദലർനായിലെ മലകളെയും താഴ്‌വരകളെയുംപറ്റിയുള്ള വർണനകളും ദേശസ്‌നേഹവുമാണ്‌ ഈ കൃതിയിൽ ദൃശ്യമാകുന്നത്‌. ഫ്രിഡോലിന്‍സ്‌ വിസർ (1898), ഫ്രിഡോലിന്‍സ്‌ ലസ്റ്റ്‌ഗാഡ്‌ (1901) എന്നീ കൃതികളാണ്‌ കാള്‍ഫെൽഡ്‌റ്റിനെ പ്രശസ്‌തനാക്കിയത്‌. ഈ രണ്ടു കൃതികളുടെ സമാഹാരം ഫ്രിഡോലിന്‍സ്‌ പൊയസി എന്ന തലക്കെട്ടിൽ പ്രസിദ്ധീകരിക്കുകയുണ്ടായി. ഫലവൃക്ഷങ്ങളെ പ്രതിനിധാനം ചെയ്യുന്ന റോമന്‍ ദേവതമാരെപ്പറ്റിയുള്ള ഫ്‌ളോറ ഒഛ്‌ പൊമോന (1906), യുദ്ധദേവതമാരെപ്പറ്റി പ്രതിപാദിക്കുന്ന ഫ്‌ളോറ ഒഛ്‌ ബെല്ലോന (1918) എന്നിവ ഇദ്ദേഹത്തിന്റെ കൃതികളിൽ ചിലതാണ്‌. ഹോസ്‌തോണ്‍ (1927) ആണ്‌ അവസാന കാവ്യസമാഹാരം. ആർകാഡിയ ബോറിയാലിസ്‌ (അൃരമറശമ ആീൃലമഹശ) െഎന്ന തലക്കെട്ടിൽ ചാള്‍സ്‌ വാർട്ടണ്‍ സ്റ്റോർക്‌ ഇദ്ദേഹത്തിന്റെ കവിതകള്‍ ഇംഗ്ലീഷിലേക്ക്‌ പരിഭാഷ ചെയ്‌തിട്ടുണ്ട്‌. 1931-ൽ കാള്‍ഫെൽഡ്‌റ്റ്‌ അന്തരിച്ചു. മരണാനന്തരം നോബൽ സമ്മാനത്തിന്‌ (1931) അർഹനായ ഇദ്ദേഹത്തിന്റെ സ്‌മരണാർഥം 1966-ൽ "കാള്‍ഫെൽഡ്‌റ്റ്‌ സാംഫണ്ട്‌' രൂപീകരിക്കുകയുണ്ടായി.
