This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എഴുത്തച്ഛന് പുരസ്കാരം
സര്വ്വവിജ്ഞാനകോശം സംരംഭത്തില് നിന്ന്
എഴുത്തച്ഛന് പുരസ്കാരം
കേരളസർക്കാർ നല്കുന്ന പരമോന്നത സാഹിത്യപുരസ്കാരം. ഒരു സാഹിത്യകാരന്റെയോ സാഹിത്യകാരിയുടെയോ സമഗ്ര സംഭാവന വിലയിരുത്തിനല്കുന്ന ബഹുമതിയാണ് ഇത്. അവാർഡുതുക ആരംഭത്തിൽ ഒരു ലക്ഷം രൂപയായിരുന്നത് 2011-ൽ ഒന്നരലക്ഷം രൂപയായി വർധിപ്പിച്ചു. ഇതോടൊപ്പം പ്രശസ്തിപത്രവും ശില്പവും നല്കിവരുന്നു. 1993-ൽ ടി.എം.ജേക്കബ് സാംസ്കാരികവകുപ്പു മന്ത്രിയായിരുന്നപ്പോഴാണ് മലയാളഭാഷയുടെ പിതാവായ തുഞ്ചത്ത് രാമാനുജന് എഴുത്തച്ഛന്റെ സ്മരണയ്ക്കായി ഈ പുരസ്കാരം ഏർപ്പെടുത്തിയത്. കേരളപ്പിറവിദിനമായ ന. 1-നാണ് അവാർഡു പ്രഖ്യാപനം നടത്തുന്നത്.
പുരസ്കാര ജേതാക്കള്
1993 ശൂരനാട്ട് കുഞ്ഞന്പിള്ള 1994 തകഴി ശിവശങ്കരപ്പിള്ള 1995 ബാലാമണിയമ്മ 1996 കെ.എം. ജോർജ് 1997 പൊന്കുന്നം വർക്കി 1998 എം.പി. അപ്പന് 1999 കെ.പി. നാരായണ പിഷാരോടി 2000 പാലാ നാരായണന് നായർ 2001 ഒ.വി. വിജയന് 2002 കമലാ സുരയ്യ (മാധവിക്കുട്ടി) 2003 ടി. പദ്മനാഭന് 2004 സുകുമാർ അഴിക്കോട് 2005 എസ്. ഗുപ്തന്നായർ 2006 കോവിലന് 2007 ഒ.എന്.വി. കുറുപ്പ് 2008 അക്കിത്തം അച്യുതന് നമ്പൂതിരി 2009 സുഗതകുമാരി 2010 എം. ലീലാവതി 2011 എം.ടി. വാസുദേവന് നായർ 2012 ആറ്റൂർ രവിവർമ്മ
(വി.എസ്.എം.)