This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഐസർ
സര്‍വ്വവിജ്ഞാനകോശം സംരംഭത്തില്‍ നിന്ന്
ഐസർ
IISER
ശാസ്‌ത്രപഠനഗവേഷണ മേഖലയുടെ പ്രാത്സാഹനാർഥം കേന്ദ്ര മാനവവിഭവശേഷി മന്ത്രാലയത്തിന്റെ നേരിട്ടുള്ള നിയന്ത്രണത്തിൽ പ്രവർത്തിക്കുന്ന വിദ്യാഭ്യാസ/ഗവേഷണ സ്ഥാപനം. ഇന്ത്യന്‍ ഇന്‍സ്റ്റിറ്റ്യൂട്ട്‌ ഒഫ്‌ സയന്‍സ്‌ എഡ്യുക്കേഷന്‍ ആന്‍ഡ്‌ റിസർച്ച്‌ എന്നതിന്റെ ചുരുക്കെഴുത്താണ്‌ ഐസർ. നാഷണൽ ഇന്‍സ്റ്റിറ്റ്യൂട്ട്‌ ഒഫ്‌ ടെക്‌നോളജി (ഭേദഗതി-2010) നിയമപ്രകാരമാണ്‌ ഐസറുകള്‍ സ്ഥാപിതമായത്‌. നിലവിൽ (2013) കൊൽക്കത്ത, പൂണെ, മൊഹാലി, ഭോപ്പാൽ, തിരുവനന്തപുരം എന്നിവിടങ്ങളിലായി അഞ്ച്‌ ഐസറുകള്‍ പ്രവർത്തിക്കുന്നു.
വിവിധ ശാസ്‌ത്രവിഷയങ്ങളിൽ ബിരുദ, ബിരുദാനന്തര കോഴ്‌സുകള്‍ക്കും ഗവേഷണ പഠനങ്ങള്‍ക്കും ഐസറിൽ പ്രാമുഖ്യം നൽകുന്നുണ്ട്‌. ഗണിതശാസ്‌ത്രം, ഭൗതികശാസ്‌ത്രം, രസതന്ത്രം, ജീവശാസ്‌ത്രം എന്നിവയിലെ പരമ്പരാഗത ബിരുദകോഴ്‌സുകള്‍ക്കു പുറമേ വിവിധ ശാസ്‌ത്രശാഖകള്‍ സംയോജിപ്പിച്ചുകൊണ്ടുള്ള ഇന്റഗ്രറ്റഡ്‌ കോഴ്‌സുകളും ഐസറുകളിലുണ്ട്‌. ഇത്തരം നവീന ഇന്റഗ്രറ്റഡ്‌ കോഴ്‌സുകള്‍ രാജ്യാന്തരതലത്തിൽ നിരവധി തൊഴിലവസരങ്ങള്‍ പ്രദാനം ചെയ്യുന്നുണ്ട്‌.
പ്രധാനമായും മൂന്നു വിധത്തിലാണ്‌ ഐസറിൽ പ്രവേശനം ലഭ്യമാകുന്നത്‌. 10, 12 ക്ലാസ്സുകളിലെ പഠനമികവിന്റെ അടിസ്ഥാനത്തിൽ ഐസറിൽ ബിരുദകോഴ്‌സുകള്‍ക്ക്‌ നേരിട്ട്‌ അപേക്ഷിക്കാം. ഇന്ത്യന്‍ ഇന്‍സ്റ്റിറ്റ്യൂട്ട്‌ ഒഫ്‌ ടെക്‌നോളജി നടത്തുന്ന സംയുക്ത പ്രവേശനപരീക്ഷാ വിജയികള്‍ക്കും കേന്ദ്ര ശാസ്‌ത്രസാങ്കേതിക വകുപ്പിന്റെ കിഷോർ വൈജ്ഞാനിക പ്രാത്സാഹന്‍യോജന (KVPY) സ്‌കോളർഷിപ്പിന്‌ അർഹരായവർക്കും ഐസറിൽ പഠന-ഗവേഷണത്തിനായി ചേരാം.
2008 ആഗസ്റ്റിൽ പ്രവർത്തനമാരംഭിച്ച തിരുവനന്തപുരം ഐസറിന്റെ ആസ്ഥാനം വിതുരയിലാണ്‌. അഞ്ചുവർഷം ദൈർഘ്യമുള്ള ഇന്റഗ്രറ്റഡ്‌ ബാച്ചിലേഴ്‌സ്‌ (BS), ഇന്റഗ്രറ്റഡ്‌ മാസ്റ്റേഴ്‌സ്‌ (MS) കോഴ്‌സുകള്‍ക്കു പുറമേ ഇന്റഗ്രറ്റഡ്‌ പിഎച്ച്‌.ഡി. കോഴ്‌സിനും തിരുവനന്തപുരം ഐസറിൽ അവസരമുണ്ട്‌. തിരുവനന്തപുരം ഐസറിലെ ആദ്യ ബിരുദദാന സമ്മേളനം 2013 ഏപ്രിലിൽ സംഘടിപ്പിക്കപ്പെട്ടു.
