This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എഫ്രയീം, വിശുദ്ധ സൈറസ്‌
സര്‍വ്വവിജ്ഞാനകോശം സംരംഭത്തില്‍ നിന്ന്
എഫ്രയീം, വിശുദ്ധ സൈറസ്‌
Ephem the Syrias (306 - 373)
സിറിയയിലെ ക്രസ്‌തവ കവിയും ദൈവശാസ്‌ത്രജ്ഞനും. എ.ഡി. 306-ൽ മെസൊപ്പൊട്ടേമിയയിലെ നിസിബിസ്സിൽ ജനിച്ചു. 363 വരെ അവിടെത്തന്നെ കഴിച്ചുകൂട്ടി. അവിടത്തെ സഭയുടെ പ്രവർത്തനങ്ങളിൽ വലിയൊരു പങ്ക്‌ ഇദ്ദേഹം വഹിച്ചിട്ടുണ്ട്‌. ജീവിതകാലം മുഴുവന്‍ ശെമ്മാശന്‍പദവികൊണ്ടു തൃപ്‌തിപ്പെടുകയും തനിക്കു കൈവന്ന എല്ലാ ഉയർച്ചകളും നിരസിക്കുകയും ചെയ്‌തു. എഡേസയിൽ അഭയാർഥികള്‍ക്കായി ഇദ്ദേഹം ഒരു വിദ്യാലയം സ്ഥാപിച്ചു.
സന്ന്യാസജീവിതചര്യ കർശനമായി പാലിച്ചുവന്ന ഇദ്ദേഹം വിശ്വാസികളുടെ കവിയെന്ന നിലയിൽ പ്രസിദ്ധനായിരുന്നു. ഇദ്ദേഹത്തിന്റെ കൃതികള്‍ ഗ്രീക്‌, അർമീനിയന്‍, ലത്തീന്‍ തുടങ്ങിയ ഭാഷകളിലേക്കു തർജുമ ചെയ്‌തിട്ടുണ്ട്‌. അവ പള്ളികളിൽ ആരാധനാസമയങ്ങളിൽ ഉപയോഗിച്ചുവന്നു. പദ്യത്തിലും ഗദ്യത്തിലും ഒരുപോലെ പ്രഗല്‌ഭനായിരുന്ന ഇദ്ദേഹം പഴയനിയമത്തിലും പുതിയനിയമത്തിലും വ്യാഖ്യാനങ്ങള്‍ എഴുതിയിട്ടുണ്ട്‌. ബൈസാന്തിയന്‍ ആരാധനാസാഹിത്യത്തിൽ ഈ കൃതികളുടെ ശക്തിയായ സ്വാധീനത പ്രകടമാണ്‌. റൊമാനോസ്‌ എന്ന ബൈസാന്തിയന്‍ കവിയുടെ രചനകള്‍ ഇതിനുദാഹരണമാണ്‌. പൗരസ്‌ത്യസഭകള്‍ ജനു. 28-ഉം പാശ്ചാത്യസഭകള്‍ ജൂണ്‍ 18-ഉം ഇദ്ദേഹത്തിന്റെ പെരുന്നാളായി ആഘോഷിച്ചുവരുന്നു.
