This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എക്‌സ്‌പോർട്ട്‌ പ്രമോഷന്‍ കൗണ്‍സിലുകള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
എക്‌സ്‌പോർട്ട്‌ പ്രമോഷന്‍ കൗണ്‍സിലുകള്‍
Export Promotion Councils
ഇന്ത്യയിൽ നിന്നുള്ള കയറ്റുമതി വികസിപ്പിക്കുന്നതിനു വേണ്ടി പ്രതേ്യകം രൂപവത്‌കരിച്ചിട്ടുള്ള സമിതികള്‍. കയറ്റുമതി മെച്ചപ്പെടുത്തുന്നതിനുവേണ്ടി ഗവണ്‍മെന്റിന്റെ നിയന്ത്രണത്തിൽ പല സംഘടനകളും ഇന്നു പ്രവർത്തിക്കുന്നുണ്ട്‌. ബോർഡ്‌ ഒഫ്‌ ട്രഡ്‌, ട്രഡ്‌ ഡെവലപ്‌മെന്റ്‌ അതോറിട്ടി, ഫെഡറേഷന്‍ ഒഫ്‌ ഇന്ത്യന്‍ എക്‌സ്‌പോർട്ട്‌ ഓർഗനൈസേഷന്‍ എന്നിവയാണ്‌ ഇതര സ്ഥാപനങ്ങള്‍. കയറ്റുമതിവികസനം ലക്ഷ്യമാക്കി ഉപഭോക്താക്കളുടെയും ഉത്‌പാദകരുടെയും കയറ്റുമതി വാണിജ്യത്തിൽ ഏർപ്പെടുന്നവരുടെയും സഹകരണം ലഭ്യമാക്കുകയാണ്‌ എക്‌സ്‌പോർട്ട്‌ പ്രമോഷന്‍ കൗണ്‍സിലുകളുടെ ലക്ഷ്യം. ഈ സ്ഥാപനങ്ങള്‍ ഉപദേശകസമിതികളായും ഭരണസമിതികളായും പ്രവർത്തിക്കുന്നു. ഇപ്പോള്‍ ഇന്ത്യയിൽ പ്രവർത്തിക്കുന്ന പ്രമുഖസമിതികള്‍: ബേസിക്‌ കെമിക്കൽസ്‌, ഫാർമസ്യൂട്ടിക്കൽസ്‌ ആന്‍ഡ്‌ സോപ്‌സ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ); കാഷ്യു എക്‌സ്‌പോർട്ട്‌ പ്രമോഷന്‍ കൗണ്‍സിൽ (എറണാകുളം); കെമിക്കൽസ്‌ ആന്‍ഡ്‌ അലൈഡ്‌ പ്രാഡക്‌റ്റ്‌സ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (കൽക്കത്ത); കോട്ടണ്‍ ടെക്‌സ്റ്റൈൽസ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ); എന്‍ജിനീയറിങ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ ഫോർ ഫിനിഷ്‌ഡ്‌ ലെതർ, ലെതർ മാനുഫാക്‌ചേഴ്‌സ്‌ (കാന്‍പൂർ); ജെം ആന്‍ഡ്‌ ജുവലറി എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ); ഹാന്‍ഡ്‌ലൂം എക്‌സ്‌പോർട്ട്‌ പ്രമോഷന്‍ കൗണ്‍സിൽ (മദ്രാസ്‌); ലെതർ എക്‌സ്‌പോർട്ട്‌ പ്രമോഷന്‍ കൗണ്‍സിൽ (മദ്രാസ്‌); മറൈന്‍ പ്രാഡക്‌റ്റ്‌സ്‌ എക്‌സ്‌പോർട്ട്‌ ഡെവലപ്‌മെന്റ്‌ അതോറിറ്റി (എറണാകുളം); പ്ലാസ്റ്റിക്‌സ്‌ ആന്‍ഡ്‌ ലിനോളിയംസ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ); പ്രാസസ്സ്‌ ഫുഡ്‌ എക്‌സ്‌പോർട്ട്‌ പ്രമേഷന്‍ കൗണ്‍സിൽ (ന്യൂ ഡൽഹി); ഷെല്ലാക്ക്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (കൽക്കത്ത); സിൽക്ക്‌ ആന്‍ഡ്‌ റയോണ്‍ ടെക്‌സ്റ്റൈൽസ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ); സ്‌പൈസസ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (എറണാകുളം); സ്‌പോർട്ട്‌സ്‌ ഗുഡ്‌സ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ന്യൂ ഡൽഹി); ടുബാക്കോ എക്‌സ്‌പോർട്ട്‌ പ്രമോഷന്‍ കൗണ്‍സിൽ (മദ്രാസ്‌); വൂള്‍ ആന്‍ഡ്‌ വുള്ളന്‍സ്‌ എക്‌സ്‌പോർട്ട്‌ പ്രമോഷന്‍ കൗണ്‍സിൽ (ബോംബെ).
മേൽ വിവരിച്ച സംഘടനകള്‍ക്കു പുറമേ കയറ്റുമതിരംഗത്ത്‌ പ്രവർത്തിക്കുന്ന സ്ഥാപനങ്ങളാണ്‌ കമ്മോഡിറ്റി ബോർഡുകള്‍, എക്‌സ്‌പോർട്ട്‌ ഹൗസസ്‌, എക്‌സ്‌പോർട്ട്‌ ഇന്‍സ്‌പെക്ഷന്‍ കൗണ്‍സിൽ, എക്‌സ്‌പോർട്ട്‌ പ്രാസസിങ്‌ സോണ്‍, ഹാന്‍ഡിക്രാഫ്‌റ്റ്‌സ്‌ ആന്‍ഡ്‌ ഹാന്‍ഡ്‌ലൂം എക്‌സ്‌പോർട്ട്‌ കോർപ്പറേഷന്‍, ഡയറക്‌ടറേറ്റ്‌ ഒഫ്‌ എക്‌സിബിഷന്‍സ്‌ ആന്‍ഡ്‌ കമേഴ്‌ഷ്യൽ പബ്ലിസിറ്റി എന്നിവ.
