This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ആൽബർട്, ഹൈന്റിഷ് (1604 - 52)
സര്വ്വവിജ്ഞാനകോശം സംരംഭത്തില് നിന്ന്
ആൽബർട്, ഹൈന്റിഷ് (1604 - 52)
Albert, Heinrich
ജർമന് ഗാനരചയിതാവ്. 1604 ജൂല. 8-ന് സാക്സണിയിലെ ലോബന്സ്റ്റെനിൽ ജനിച്ചു. ലീപ്സിഗിൽ നിയമപഠനത്തിനു ചേരുംമുമ്പ് ബന്ധുവായ ഹൈന്റിഷ് ഷൂട്സും ഒരുമിച്ച് ഡ്രസ്ഡനിൽ ഗാനരചനാസംബന്ധമായ പരിശീലനത്തിൽ ഏർപ്പെട്ടിരുന്നു. സംഗീതപരിപാടികള് നടത്തുന്നതിനായി ആൽബർട് 1627-ൽ കൂണിഖ്സ്ബെർക്കിലേക്ക് പുറപ്പെട്ടു. സ്വീഡനിലെ പട്ടാളക്കാർ ഇദ്ദേഹത്തെ തടവുകാരനായി പിടിച്ചതിനാൽ 1628-ലേ കൂണിഖ്സ്ബെർക്കിൽ ചെന്നുചേരാന് കഴിഞ്ഞുള്ളൂ. 1631-ൽ ആൽബർട് കത്തിഡ്രൽ ഗായകസംഘത്തിലെ ഓർഗന് വായനക്കാരനായി നിയമിക്കപ്പെട്ടു. 1632 മുതൽ ഇദ്ദേഹം ഗാനരചനയിൽ ഏർപ്പെട്ടു. ബ്രാന്ഡന്ബർഗിലെ രാജകുമാരന്മാർക്കുവേണ്ടി ആൽബർട് ഒട്ടനവധി ഗാനങ്ങള് രചിച്ചിട്ടുണ്ട്. എന്നാൽ 1638-നും 1651-നും ഇടയ്ക്ക് ഇദ്ദേഹം പ്രകാശിപ്പിച്ച ആരിയന് (Arien) എന്ന കൃതിയാണ് ഏറ്റവും പ്രശസ്തം. 17-ാം ശ.-ത്തിലെ ജർമന് ഓപ്പറയുടെ ചരിത്രത്തിൽ ആൽബർട്ടിനുള്ള സ്ഥാനം വ്യക്തമാക്കുന്നതാണ് ക്ളിയോമെഡെസ് (Cleomedes), ആരിയന് എന്നീ കൃതികള്.