This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അഷ്ടചൂര്‍ണം
സര്‍വ്വവിജ്ഞാനകോശം സംരംഭത്തില്‍ നിന്ന്
അഷ്ടചൂര്‍ണം
മുതിര്‍ന്നവര്‍ക്കും കുട്ടികള്‍ക്കും അഗ്നിമാന്ദ്യത്തിനു പ്രതിവിധിയായി ഉപയോഗിക്കപ്പെട്ടുവരുന്ന ഒരു ആയുര്‍വേദ ഔഷധം. എട്ടു മരുന്നുകള്‍ ചേര്‍ന്ന പൊടി ആയതിനാലാണ് അഷ്ടചൂര്‍ണം എന്ന് ഇതിന് പേരു ലഭിച്ചത്. ചുക്ക്, കുരുമുളക്, ചെറുതിപ്പലി, അയമോദകം, ഇന്തുപ്പ്, ജീരകം, കരിംജീരകം ഇവ ഓരോ ഭാഗംവീതം; എല്ലാറ്റിനും തുല്യം കായം. ഈ അളവില്‍ മരുന്നുകള്‍ പൊടിച്ചുണ്ടാക്കുന്ന ചൂര്‍ണം ഊണു കഴിക്കുമ്പോള്‍, വിഹിതമായ അളവില്‍, സമം നെയ്യും ചേര്‍ത്തു കുഴച്ച് ആദ്യത്തെ ഉരുളയില്‍ വച്ചു കഴിക്കണം. ഇത് ജഠാരാഗ്നിയെ ഉദ്ദീപിപ്പിക്കും; വാതഗുല്മത്തെ ശമിപ്പിക്കും. അഗ്നിമാന്ദ്യം ഉള്ള മിക്ക രോഗികള്‍ക്കും ഈ ഔഷധം യുക്തമായ മാത്രയില്‍ ഉപയോഗിക്കാം.
(പി.എസ്. ശ്യാമളകുമാരി)
