This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ദിബ്രുഗഢ്
സര്‍വ്വവിജ്ഞാനകോശം സംരംഭത്തില്‍ നിന്ന്
ദിബ്രുഗഢ്
Dibrugarh
അസം സംസ്ഥാനത്തിലെ ഒരു ജില്ലയും അതിന്റെ ആസ്ഥാന പട്ടണവും. അസമിലെ വികസിതമായ ജില്ലകളില്‍ ഒന്നായ ദിബ്രുഗഢിന്റെ വടക്കും പടിഞ്ഞാറും ബ്രഹ്മപുത്രാ നദിയും കിഴക്ക് തിന്‍സൂകിയ ജില്ലയും തെക്കുകിഴക്ക് അരുണാചല്‍ പ്രദേശും തെക്ക് ശിവ്സാഗര്‍ ജില്ലയും അതിര്‍ത്തികള്‍ നിര്‍ണയിക്കുന്നു. ജില്ലാ വിസ്തീര്‍ണം: 3,381 ച.കി.മീ.; ജനസംഖ്യ 11,72,056 (2001).
ആദിവാസികളുടെ ആക്രമണം ചെറുക്കുന്നതിന് ബ്രിട്ടീഷുകാര്‍ ദിബ്രു നദിക്കരയില്‍ നിര്‍മിച്ച കോട്ട(ഗഢ്)യെ ആസ്പദമാക്കിയാണ് ജില്ലാനാമം നിഷ്പന്നമായിട്ടുള്ളത്. 1971 ഒ. 2-ന് ലഖിംപൂര്‍ജില്ല രണ്ടായി വിഭജിച്ചാണ് ഇന്നത്തെ ലഖിംപൂര്‍ ജില്ലയ്ക്കും ദിബ്രുഗഢ് ജില്ലയ്ക്കും രൂപംനല്കിയത്. ഹൈന്ദവരും ക്രൈസ്തവരും ഉള്‍പ്പെടെ വിവിധ മതവിഭാഗങ്ങള്‍ നിവസിക്കുന്ന ദിബ്രൂഗഢില്‍ അസമീസ് ഭാഷയ്ക്കാണ് കൂടുതല്‍ പ്രചാരം.
മനോഹരവും വൈവിധ്യമുള്ളതുമാണ് ദിബ്രുഗഢിന്റെ ഭൂപ്രകൃതി. ഭൂമിശാസ്ത്രപരമായി ജില്ലയുടെ കിഴക്കും തെക്കും പ്രദേശങ്ങള്‍ കുന്നിന്‍പുറങ്ങളും മറ്റിടങ്ങള്‍ നിരപ്പാര്‍ന്ന ഭൂപ്രദേശങ്ങളുമാണ്. ജില്ലയിലെ മിക്ക ഭാഗങ്ങളിലും കാടുകളുണ്ട്. ചിലയിടങ്ങളില്‍ വന്‍വൃക്ഷങ്ങള്‍ വളരുന്ന നിബിഡ വനങ്ങള്‍ കാണാം. ബ്രഹ്മപുത്രാനദീ താഴ്വരയുടെ ആരംഭത്തില്‍ സ്ഥിതിചെയ്യുന്ന ഈ ജില്ലയിലെ സമതലങ്ങള്‍ പൊതുവേ ഫലഭൂയിഷ്ഠവും കൃഷിക്ക് അനുയോജ്യവുമാണ്. നെല്ലാണ് മുഖ്യ വിള. തേയിലക്കൃഷിക്കും സമ്പദ്ഘടനയില്‍ സുപ്രധാനമായ സ്ഥാനമുണ്ട്.
നദികളും അരുവികളുമാണ് ദിബ്രുഗഢ് ജില്ലയിലെ മുഖ്യ ജലസ്രോതസ്സുകള്‍. ഇവ മഴക്കാലത്ത് കരകവിഞ്ഞൊഴുകി നാശ നഷ്ടം വിതയ്ക്കുക പതിവാണ്. ജില്ലയിലെ നദികളെല്ലാംതന്നെ
