This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടിസോ നദി
സര്‍വ്വവിജ്ഞാനകോശം സംരംഭത്തില്‍ നിന്ന്
ടിസോ നദി
Tisza river
കിഴക്കന്‍ യൂറോപ്പിലെ ഒരു നദി. ഡാന്യൂബിന്റെ പ്രധാന പോഷകനദിയാണ് ടിസോ. ബ്ലാക് ടിസോ, വൈറ്റ് ടിസോ എന്നീ അരുവികള്‍ കൂടിച്ചേര്‍ന്നാണ് ടിസോ രൂപംകൊള്ളുന്നത്. പടിഞ്ഞാറന്‍ ഉക്രെയ്നിലെ കാര്‍പേതിയന്‍ മലനിരകളില്‍ വച്ചാണിവ യോജിക്കുന്നത്. ഉക്രെയ്ന്‍, ഹംഗറി, യുഗോസ്ളാവിയ എന്നീ രാജ്യങ്ങളിലൂടെ ഒഴുകുന്ന ടിസോ നദിക്ക് 1350 കി. മീറ്ററോളം നീളമുണ്ട്.
ഉത്തര യുഗോസ്ലാവിയയിലൂടെ ഏകദേശം 483 കി. മീ. ഡാന്യൂബിന് സമാന്തരമായി ഒഴുകുന്ന ടിസോ നൊവിസദിന് (Novisad) കിഴക്ക് വച്ച് ഡാന്യൂബില്‍ സംഗമിക്കുന്നു. തുടക്കത്തില്‍ വ. കിഴക്കന്‍ ദിശയിലേക്കൊഴുകുന്ന നദി യുഗോസ്ലാവിയയില്‍ പ്രവേശിക്കുന്നതോടെ തെ. പടിഞ്ഞാറന്‍ ദിശയിലും തെക്കന്‍ ദിശയിലും വഴിമാറി ഒഴുകുന്നു. യുഗോസ്ലാീവിയയില്‍ നിര്‍മിച്ചിട്ടുള്ള നിരവധി കനാലുകള്‍ ഈ രണ്ടു നദികളെയും തമ്മില്‍ ബന്ധിപ്പിക്കുന്നുണ്ട്. ഒരു ജലവൈദ്യുതോത്പാദന കേന്ദ്രവും ടിസോയില്‍ പ്രവര്‍ത്തിക്കുന്നു. ജലസേചനവും ഈ പദ്ധതിയുടെ പരിധിയില്‍ ഉള്‍പ്പെടുന്നു. കോറോസ, മുറേസല്‍ എന്നിവയാണ് ടിസോയുടെ പ്രധാന പോഷകനദികള്‍. മത്സ്യസമ്പന്നമാണ് ടിസോ നദി. ഇത് നദിയുടെ പ്രാധാന്യം ഏറെ വര്‍ധിപ്പിക്കുവാന്‍ സഹായകമാകുന്നുണ്ട്.
