This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടാണ്‍ നദി
സര്‍വ്വവിജ്ഞാനകോശം സംരംഭത്തില്‍ നിന്ന്
ടാണ്‍ നദി
Tarn river
ദക്ഷിണ ഫ്രാന്‍സിലെ ഗാരോണ്‍ നദിയുടെ ഒരു പോഷക നദി. സീവെന്നിസ് മലനിരകളില്‍ നിന്നുമുദ്ഭവിച്ച് പടിഞ്ഞാറന്‍ ദിശയിലേക്കൊഴുകുന്ന ഈ നദി മോയ്സാക്കിനു (Moissac) സമീപത്തു വച്ചു ഗാരോണ്‍ നദിയില്‍ ചേരുന്നു. ലോസെറി, അവെയ്റോണ്‍, ടാണ്‍, ടാണ്‍-എറ്റ്-ഗാറോണ്‍ എന്നീ ഫ്രഞ്ച് പ്രവിശ്യകളിലൂടെ ഒഴുകുന്ന ടാണ്‍ നദിയുടെ നീളം 375 കി. മീ. ആണ്.
കാസസ് പീഠഭൂമിയില്‍ ഇടുങ്ങിയ മലയിടുക്കുകളിലൂടെ ഒഴുകുന്ന ടാണ്‍ ഈ പ്രദേശത്തിന്റെ മനോഹാരിത വര്‍ധിപ്പിക്കുന്നു. തത്ഫലമായി ഈ പ്രദേശം ഫ്രാന്‍സിലെ പ്രസിദ്ധ വിനോദസഞ്ചാര കേന്ദ്രമായി വികസിച്ചിരിക്കുന്നു. ഫ്രാന്‍സിലെ ഒരു പ്രവിശ്യയ്ക്കും 'ടാണ്‍' എന്ന പേരുണ്ട്. ടാണ്‍നദിയും അതിന്റെ പോഷകനദികളുമാണ് ഈ മേഖലയെ ജലസിക്തമാക്കുന്നത്. ആല്‍ബി, മോണ്‍ടോബന്‍ എന്നിവ ടാണ്‍ നദിക്കരയിലുള്ള പ്രധാന പട്ടണങ്ങളാണ്.
