This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടാട്ടോമെറിസം
സര്‍വ്വവിജ്ഞാനകോശം സംരംഭത്തില്‍ നിന്ന്
ടാട്ടോമെറിസം
Tautomerism
ഒരു കാര്‍ബണിക തന്മാത്രയുടെ രണ്ടു സമമൂലകങ്ങള്‍ സന്തുലിതാവസ്ഥയില്‍ നിലനില്ക്കുന്ന പ്രതിഭാസം. അണുക്കളുടെ വിന്യാസവും തന്മാത്രയുടെ ഘടനാരീതിയും മൂലം ഈ സമമൂലകങ്ങള്‍ വ്യത്യസ്തമായിരിക്കും. സമമൂലകാവസ്ഥയിലുള്ള രണ്ടു വ്യത്യസ്ത തന്മാത്രകള്‍ പരസ്പരം അനായാസമായി മാറിക്കൊണ്ടിരിക്കുന്ന ഈ പ്രതിഭാസത്തെ വിശേഷിപ്പിക്കാന്‍ 'ടാട്ടോമെറിസം' എന്ന പദം (ടാട്ടോ എന്നാല്‍ അതുതന്നെ എന്ന് അര്‍ഥം) ആദ്യമായി ഉപയോഗിച്ചത് കോണ്‍റാഡ് ലാര്‍ എന്ന രസതന്ത്രജ്ഞനാണ് (1885).
1911-ല്‍ ജര്‍മന്‍ രസതന്ത്രജ്ഞനായ ലുഡ്വിഗ് നോര്‍, അസറ്റോ അസറ്റിക് എസ്റ്ററിന്റെ രണ്ടു രൂപത്തിലുള്ള തന്മാത്രകള്‍ വേര്‍തിരിക്കുന്നതിലും ഗുണധര്‍മങ്ങള്‍ വിശകലനം ചെയ്യുന്നതിലും വിജയിച്ചു. ആല്‍ക്കഹോള്‍ (-OH) ഗ്രൂപ്പുള്ള ഈനോള്‍ രൂപവും കീറ്റോണ്‍ (=== O) ഗ്രൂപ്പുള്ള കീറ്റോ രൂപവും ആണിവ. കീറ്റോ-ഈനോള്‍ രൂപങ്ങള്‍ അടങ്ങുന്ന ഒരു മിശ്രിതം ഉറയിച്ചു കട്ടിയാക്കി 80°C-ല്‍ കീറ്റോ രൂപവും മിശ്രിതം സ്വേദനം ചെയ്ത് ഈനോള്‍ രൂപവും ശുദ്ധമായി വേര്‍തിരിക്കാം. എന്നാല്‍ ക്രമേണ ഓരോ സംയുക്തവും, രണ്ടു സംയുക്തങ്ങളും സന്തുലിതാവസ്ഥയിലുള്ള ഒരു മിശ്രിതമായി മാറുന്നു. ഈ പ്രതിഭാസം കീറ്റോ-ഈനോള്‍ ടാട്ടോമെറിസം എന്നറിയപ്പെടുന്നു.
സന്തുലിതാവസ്ഥയിലുള്ള മിശ്രിതത്തില്‍ 7 ശ. മാ. ഈനോളും 93 ശ. മാ. കീറ്റോണും ആണ് അടങ്ങിയിട്ടുള്ളത്. സൈദ്ധാന്തികമായി,
ടാട്ടോമെറിസം പ്രദര്‍ശിപ്പിക്കുന്നതായി പറയാം. എന്നാല്‍ ലഘു ആല്‍ഡിഹൈഡുകള്‍, എസ്റ്ററുകള്‍, കീറ്റോണുകള്‍ എന്നിവയ്ക്ക് ഈനോള്‍ രൂപം ഉള്ളതായി കാണാന്‍ കഴിഞ്ഞിട്ടില്ല. കീറ്റോ-ഈനോള്‍ ടാട്ടോമെറിസവുമായി വളരെയേറെ സാമ്യതയുള്ളതാണ് ആലിഫാറ്റിക് നൈട്രോ സംയുക്തങ്ങളുടെ നൈട്രോ-അസി രൂപങ്ങള്‍ തമ്മിലുള്ള പരസ്പര മാറ്റം.
ലാക്ടം-ലാക്ടിം ടാട്ടോമെറിസം. --CONH ഗ്രൂപ്പുള്ള ഒരു ചാക്രിക സംയുക്തമാണ് ലാക്ടം. ലാക്ടത്തിന്റെ സമമൂലകമാണ്
നൈട്രജനില്‍ നിന്ന് ഓക്സിജനിലേക്ക് ഒരു ഹൈഡ്രജന്റെ സ്ഥാനമാറ്റം നടക്കുന്ന സമാന അചാക്രിക സംയുക്തങ്ങളുടെ സന്തുലിതാവസ്ഥയെയും ലാക്ടം-ലാക്ടിം ടാട്ടോമെറിസം എന്നു തന്നെ വിളിക്കുന്നു.
റിങ്-ചെയിന്‍ ടാട്ടോമെറിസം. ഫങ്ഷണല്‍ ഗ്രൂപ്പുകള്‍ തമ്മിലുള്ള പരസ്പര പ്രവര്‍ത്തനം വഴി സ്ഥിരതയുള്ള ഒരു ചാക്രിക (റിങ്) ഘടന രൂപീകരിക്കാന്‍ കഴിയുന്ന സംയുക്തങ്ങള്‍ ഈ ടാട്ടോമെറിസം പ്രദര്‍ശിപ്പിക്കുന്നു. ഉദാ: ചില ആല്‍ക്കീനിക് അമ്ലങ്ങളും അവയുടെ ലാക്ടോണുകളും. (ലാക്ടോ-ഈനോയിക് ടാട്ടോമെറിസം)
