This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഒറ്റക്കൽമണ്ഡപം
സര്‍വ്വവിജ്ഞാനകോശം സംരംഭത്തില്‍ നിന്ന്
ഒറ്റക്കൽമണ്ഡപം
തിരുവനന്തപുരത്ത്‌ ശ്രീപദ്‌മനാഭസ്വാമി ക്ഷേത്രത്തിലെ (നോ. പദ്‌മനാഭസ്വാമിക്ഷേത്രം) പ്രതിഷ്‌ഠയ്‌ക്കുമുമ്പിലുള്ള മണ്ഡപം. ഈ മണ്ഡപത്തിലുള്ള വലിയ "ഒറ്റക്കല്ല്‌' കൊല്ലവർഷം 906-ാമാണ്ട്‌ ചൈത്രമാസം ദ്വാദശിതിഥി വ്യാഴാഴ്‌ചയാണ്‌ അവിടെ കൊണ്ടുവന്നതെന്നു കാണുന്നു. ""പെരുമാള്‍ ശ്രീപദ്‌മനാഭപ്പെരുമാള്‍ക്കു ഒറ്റക്കൽ മണ്ഡപം പണിചെയ്യിക്കുമാറു കല്‌പിച്ചു. 906-ാം ആണ്ടു പൈങ്കുനിമാതം 13-ന്‌ വെള്ളിയാഴ്‌ചയും ഉത്തിരവും പൂർവപക്ഷത്തു വാവും ചുപയോകവും ഇന്നാളാൽ കർക്കടകം രാചികൊണ്ട്‌ ഒറ്റെക്കൽ തിരുമലയിൽ നിന്നും അടിച്ചു വണ്ടിയിലാക്കി രണ്ടു വകൈച്ചെനങ്ങളും നാഞ്ചിനാട്ടു ഏഴരൈക്കരൈ നാട്ടാരും നെയിതൽ പന്നിക്കകവും തെങ്ങനാട്ടും തിരുവനന്തപുരവും പള്ളിപ്പുറം പത്തുതേചം ഉള്‍പ്പെട്ട ഒള്ള ആളുകളും കൂടി വലിച്ചു നാല്‌പത്തുരണ്ടാം തിവതം മതിലകത്തു വടക്കേ വചത്തു മതിലിടിഞ്ഞടത്തുകൂടി കൊണ്ടുചെന്നു പണിക്കുറകളും തീർത്തു 906-ാമാണ്ടു ഇടവമാതം 21-നു വിയാഴവാഴ്‌ചയും രേവതിയും അപരപക്ഷത്തുള്ള ഏകാതെചിയും ചിങ്ങക്കരണവും ഇന്നാളാൽ ചിങ്ങം ഇരാചികൊണ്ട്‌ എണ്‍കോൽ ചമചതിരത്തിൽ ഒരുക്കോൽ, കനത്തിൽ ഒറ്റൈക്കല്ലും ഇട്ടു തിരുപ്പണികളും നടന്നു എന്നു മതിലകം രേഖ പറയുന്നു.
തിരുവനന്തപുരം നഗരത്തിന്റെ കിഴക്കുഭാഗത്തുള്ള തിരുമലക്കുന്നിൽ നിന്നാണ്‌ അനേകശതം ജനങ്ങള്‍ ചേർന്ന്‌ ആ വലിയ കരിങ്കല്ല്‌ വലിച്ചുകൊണ്ടുവന്ന്‌ ഒറ്റക്കൽ മണ്ഡപം ഉണ്ടാക്കിയത്‌. ഈ വിവരം ആ ശിലയിൽ സംസ്‌കൃതപദ്യമായി രേഖപ്പെടുത്തിയിട്ടുണ്ട്‌.
""ഒറ്റക്കല്ലിങ്ങോടിവന്നു മുഖമണ്ഡപം ഭവിച്ചു മറ്റൊന്നിതിൽപരം മന്നർക്കാജ്ഞ കൊണ്ടാമോ?
എന്ന കുചേലവൃത്തം വഞ്ചിപ്പാട്ടിലെ (രാമപുരത്തുവാര്യർ) ഈരടി ഈ വസ്‌തുതയാണ്‌ സൂചിപ്പിച്ചിട്ടുള്ളത്‌.
(വി.ആർ. പരമേശ്വരന്‍ പിള്ള)
