This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
എഗേദിയുസ്‌, ഹാൽഫ്‌ദാന്‍ ജോണ്‍സന്‍ (1877-99)
സര്‍വ്വവിജ്ഞാനകോശം സംരംഭത്തില്‍ നിന്ന്
എഗേദിയുസ്‌, ഹാൽഫ്‌ദാന്‍ ജോണ്‍സന്‍ (1877-99)
Egedius, Halfdan Johnson
നോർവീജിയന്‍ ചിത്രകാരന്‍. 1877 മേയ്‌ 5-ന്‌ ഡ്രാമ്മെനിൽ ജനിച്ചു. നിൽസ്‌നിൽ സെന്‍ബെർഗ്‌സ്‌ലീന്റെ (1853-1928) കലാവിദ്യാലയത്തിൽ പഠനം പൂർത്തിയാക്കിയ ശേഷം ഹാരിയറ്റ്‌ ബാക്കെർ (1845-1932), ക്രിസ്‌ത്യന്‍ സാർട്ട്‌മാന്‍ (1843-1917) എന്നീ പ്രശസ്‌ത ചിത്രകാരന്മാരുടെ ശിഷ്യത്വം സ്വീകരിച്ചു. നോർവീജിയന്‍ കലയിലെ ശിശുപ്രതിഭയായിരുന്ന എഗേദിയുസ്‌ 1899 ഫെ. 2-ന്‌ തന്റെ 22-ാമത്തെ വയസ്സിൽ നിര്യാതനാകുമ്പോള്‍ വൈശിഷ്‌ട്യവും ഗാംഭീര്യവുമുള്ള അനേകം രചനകള്‍ പൂർത്തിയാക്കിയിരുന്നു. റൊമാന്റിക്‌ രീതിയോടാണ്‌ എഗേദിയുസ്സിനു കൂടുതൽ ആഭിമുഖ്യമുണ്ടായിരുന്നത്‌. നാടോടിക്കഥകളും അദ്‌ഭുത പ്രതിഭാസങ്ങളെക്കുറിച്ചുള്ള വീരേതിഹാസങ്ങളുമാണ്‌ ഇദ്ദേഹത്തിന്റെ രചനകള്‍ക്ക്‌ വിഷയീഭവിച്ചിരുന്നത്‌. സ്വപ്‌നവും യാഥാർഥ്യവും സമ്മേളിക്കുന്ന തരത്തിലുള്ളതായിരുന്നു ഇദ്ദേഹത്തിന്റെ കലാവീക്ഷണം. ഇദ്ദേഹത്തിന്റെ ഏറ്റവും പ്രശസ്‌ത രചന ഓസ്‌ലോ നാഷണൽ ഗാലറിയിൽ സൂക്ഷിച്ചിട്ടുള്ള ഡാന്‍സിങ്‌ ഗേള്‍ എന്ന ചിത്രമാണ്‌.
