അന്ധബിന്ദു

Blind sPOT

നേത്രനാഡി (optic nerve) ദൃഷ്ടിപടലത്തിലേക്കു കടക്കുന്ന ഭാഗം. പ്രകാശത്തെ സംബന്ധിച്ചിടത്തോളം ഒരു അചേതന മണ്ഡലമാണിത്. മനുഷ്യനില്‍ ഇതിന് ഉദ്ദേശം രണ്ടു മി.മീ. വ്യാസം വരും. 1688-ല്‍ ഫ്രഞ്ച് ഭൌതിക ശാസ്ത്രജ്ഞയായ എഡ്മെ മാരിയൊണെറ്റി ആണ് അന്ധബിന്ദുവിന്റെ സാന്നിധ്യം ആദ്യമായി തെളിയിച്ചത്. ദൃശ്യതലത്തിന്റെ ഒരു ഭാഗം ഒരു കണ്ണിന്റെ അന്ധബിന്ദുവാല്‍ എപ്പോഴും അദൃശ്യമായിരിക്കുമെങ്കിലും മറ്റേ കണ്ണിന്റെ സചേതന ഭാഗങ്ങളാല്‍ അവിടം കാണാന്‍ കഴിയുന്നതുകൊണ്ട് ദ്വിനേത്രവീക്ഷണത്തില്‍ ഈ ബിന്ദുവിന്റെ പ്രത്യേകത അനുഭവപ്പെടുന്നില്ല. എന്നാല്‍ ഒരു കണ്ണുകൊണ്ടുമാത്രം നോക്കുമ്പോള്‍ അന്ധമണ്ഡല(blind area)ത്തില്‍പെടുന്ന യാതൊന്നും കാണാന്‍ സാധിക്കുകയില്ല. കണ്ണ് ചഞ്ചലമായതിനാലാണ് ഈ പ്രത്യേകത നമുക്ക് അറിയാന്‍ കഴിയാത്തത്.

അന്ധബിന്ദു :മനുഷ്യനേത്രത്തില്‍

]

അന്ധബിന്ദു

സര്‍വ്വവിജ്ഞാനകോശം സംരംഭത്തില്‍ നിന്ന്

അന്ധബിന്ദു

താളിന്റെ അനുബന്ധങ്ങള്‍

സ്വകാര്യതാളുകള്‍

ഉള്ളടക്കം

തിരയൂ

പണിസഞ്ചി