This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടൂറ, സമോരി (സു. 1830-1900)
സര്‍വ്വവിജ്ഞാനകോശം സംരംഭത്തില്‍ നിന്ന്
ടൂറ, സമോരി (സു. 1830-1900)
ഠീൌൃല, ടമാീൃശ
19-ാം ശ. -ത്തിന്റെ രണ്ടാം പകുതിയില്‍ പശ്ചിമ ആഫ്രിക്കയില്‍ ഒരു രാജ്യം സ്ഥാപിക്കുകയും ഫ്രഞ്ചുകാരുടെ കൊളോണിയല്‍ മുന്നേറ്റത്തെ എതിര്‍ക്കുകയും ചെയ്ത മാഡിന്‍ഗോ (ങമറശിഴീ) ഗോത്രവര്‍ഗ നേതാവ്. ഇപ്പോഴത്തെ ഉത്തര ഗിനിയിലെ സനാന്‍കൊറോയില്‍ ഇദ്ദേഹം ജനിച്ചു (സു. 1830). ഒരു മികച്ച യോദ്ധാവായിത്തീര്‍ന്ന ഇദ്ദേഹം 1860-കളുടെ ഒടുവിലും 70-കളുടെ തുടക്കത്തിലുമായി തന്റെ നാട്ടിലെ ഭരണാധിപനായി. പശ്ചിമ ആഫ്രിക്കയില്‍ അധികാരം വ്യാപിപ്പിച്ചുകൊണ്ടിരുന്ന ഫ്രഞ്ചുകാരുമായി 1883 മുതല്‍ യുദ്ധം ചെയ്തു. 1886-ല്‍ ഫ്രഞ്ചുകാര്‍ വിജയിച്ചപ്പോള്‍ ഇദ്ദേഹം ഫ്രഞ്ചു സംരക്ഷണം സ്വീകരിച്ചുവെങ്കിലും 1891-ല്‍ വീണ്ടും അവരുമായി ശത്രുതയിലായി. തുടര്‍ന്ന് ഐവറി കോസ്റ്റിലേക്കും ലൈബീരിയയിലേക്കും പിന്‍വാങ്ങേണ്ടിവന്ന ഇദ്ദേഹത്തെ 1898 സെപ്.-ല്‍ പിടികൂടി നാടുകടത്തി. 1900 ജൂണ്‍ 2-ന് ഗാബണില്‍ മരണമടഞ്ഞു.
