This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അക്രോമെഗാലി
സര്‍വ്വവിജ്ഞാനകോശം സംരംഭത്തില്‍ നിന്ന്
അക്രോമെഗാലി
അരൃീാലഴമഹശ
താടിയെല്ലിനും മോണയ്ക്കും കൈകാലുകളിലെ എല്ലുകള്‍ക്കും ക്രമാതീതമായുണ്ടാകുന്ന വളര്‍ച്ച. ശരീരത്തിന്റെ സ്വാഭാവികവളര്‍ച്ച കഴിഞ്ഞതിനുശേഷം അന്തഃസ്രാവിയായ ആന്റീരിയര്‍ പിറ്റ്യൂറ്ററി (മിലൃേശീൃ ുശൌശമ്യൃേ) ക്രമത്തിലധികം ഹോര്‍മോണുകള്‍ ഉത്പാദിപ്പിക്കുന്നതാണ് ഇതിനു കാരണം. എല്ലുകളുടെ വളര്‍ച്ചയ്ക്കാധാരമായ എപ്പിഫൈസിസ് (ലുശുവ്യശെ) സംയോജിക്കുന്നതുവരെയാണ് സ്വാഭാവിക വളര്‍ച്ചയുണ്ടാകുന്നത്; ഈ സംയോജനത്തിനുശേഷമുള്ള വളര്‍ച്ചയാണ് അക്രോമെഗാലി. നട്ടെല്ലിന്റെ വികലമായ വളര്‍ച്ചമൂലം കൂനുണ്ടാകുന്നു. നെറ്റിയെല്ല്, കശേരുക്കള്‍, കൈകാലുകളിലെ അസ്ഥികള്‍, ആമാശയത്തിലെയും വന്‍കുടലിലെയും രക്തവാഹികള്‍, കരള്‍, ശ്വാസകോശങ്ങള്‍, പ്ളീഹ എന്നിവ തന്മൂലം വലുതാകുന്നു. കൈ പരന്ന് തടിച്ച് വിരലുകളുടെ അറ്റം ഉരുണ്ട് ചട്ടുകത്തിന്റെ ആകൃതിയില്‍ കാല്‍മുട്ടിനുതാഴെവരെ നീണ്ടുകിടക്കും; ചുണ്ടും നാക്കും തടിക്കുന്നതിനാല്‍ സംസാരിക്കാന്‍ വൈഷമ്യം നേരിടും; ദേഹത്തും മുഖത്തും ധാരാളം രോമം വളര്‍ന്നു രോഗിക്ക് ഗൊറില്ലയുടെ രൂപത്തോട് സാദൃശ്യം ഉണ്ടാകുന്നു. ഈ രോഗത്തെപ്പറ്റിയുള്ള ആദ്യവിവരണം നല്കിയത് പിയറി മേരി (1886) ആണ്. റേഡിയോ ആക്റ്റിവതയുള്ള യിട്രിയം (്യൃശൌാ) പിറ്റ്യൂറ്ററി ഗ്രന്ഥിയില്‍ കുത്തിവയ്ക്കുക, ഡീപ് എക്സ്-റേ തെറാപി പ്രയോഗിക്കുക എന്നിവയാണിതിനു പ്രതിവിധികള്‍.
(ഡോ. നളിനി വാസു)
