This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ടെക്ടോണിക്സ്
സര്‍വ്വവിജ്ഞാനകോശം സംരംഭത്തില്‍ നിന്ന്
ടെക്ടോണിക്സ്
ഠലരീിശര
ഭൌമഘടനാ വൈരൂപ്യത്തിന് നിദാനമാകുന്ന ബലം, ചലനങ്ങള്‍ തുടങ്ങിയവയെ കുറിച്ചു പ്രതിപാദിക്കുന്ന ഭൂവിജ്ഞാനീയ ശാസ്ത്രശാഖ. ഘടനാ ഭൂവിജ്ഞാനീയവുമായി ബന്ധമുണ്ടെങ്കിലും പ്രസ്തുത സംജ്ഞയുടെ പര്യായമല്ല ടെക്ടോണിക്സ്. ഘടനാ ഭൂവിജ്ഞാനീയം പ്രധാനമായും ശിലകളുടെ ഘടനയെ നിര്‍ണയിക്കുമ്പോള്‍ ടെക്ടോണിക്സ് ഭൌമോപരിതല ഘടനയെയും ഭൂരൂപങ്ങളെപ്പറ്റിയുമാണ് മുഖ്യമായും പ്രതിപാദിക്കുന്നത്. 1960 കളില്‍ വികസിപ്പിച്ചെടുത്ത പ്ളേറ്റ് ടെക്ടോണിക്സ് സിദ്ധാന്തമാണ് ഭൌമഘടനാ വൈരൂപ്യത്തിന് നിദാനമാകുന്ന ടെക്ടോണിക ബലത്തെ സംബന്ധിച്ചുള്ള അടിസ്ഥാന വസ്തുതകള്‍ അവതരിപ്പിച്ചത്. ഈ സിദ്ധാന്തപ്രകാരം വലുതും ചെറുതുമായ നിരവധി ഫലകങ്ങളുടെ സംയോജനമാണ് ഭൂമിയുടെ പുറന്തോട്. ഇവയുടെ സ്ഥാനചലനമാണ് ഭൌമോപരിതല ഘടനയില്‍ വൈരൂപ്യം സൃഷ്ടിക്കുന്നതെന്നാണ് ഈ സിദ്ധാന്തം സൂചിപ്പിക്കുന്നത്.
നോ: പ്ളേറ്റ് ടെക്ടോണിക്സ്
