This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അധോമൂത്ര മാര്‍ഗത
സര്‍വ്വവിജ്ഞാനകോശം സംരംഭത്തില്‍ നിന്ന്
അധോമൂത്ര മാര്‍ഗത
Hypospadias
മൂത്രദ്വാരം മൂത്രക്കുഴലിന്റെ നിജസ്ഥാനത്തു നിന്ന് താഴെയോ ഗുഹ്യപ്രദേശത്തോ സ്ഥിതിചെയ്യുന്ന ജന്മസിദ്ധ വൈകല്യം. പുരുഷന്മാരില്‍ 350-ന് ഒന്ന് എന്ന തോതില്‍ ഈ വൈകൃതം ഉണ്ടെന്ന് കണക്കാക്കിയിരിക്കുന്നു. ഗ്ളാന്‍ഡുലര്‍ (glandular), കൊറോണല്‍ (coronal), പീനിയല്‍ (penial), പീനോ-സ്ക്രോട്ടല്‍ (peno-scrotal), പെരിണിയല്‍ (perineal) എന്നീ അഞ്ചുവിധത്തില്‍ മൂത്രദ്വാരത്തിന്റെ സ്ഥാനഭേദമനുസരിച്ച് അധോമൂത്ര മാര്‍ഗതയെ തരംതിരിച്ചിട്ടുണ്ട്. ഗ്ളാന്‍ഡുലാര്‍ അധോമൂത്രമാര്‍ഗതയാണ് ഏറ്റവും അധികം കണ്ടുവരുന്നത്. മൂത്രക്കുഴലിനു പകരം നാരുകളുള്ള പേശികള്‍ തത്സ്ഥാനത്തു കാണുന്നതാണ് ഇതിന്റെ ലക്ഷണം. ശസ്ത്രക്രിയവഴി ഈ ക്രമക്കേട് കുറെയൊക്കെ പരിഹരിക്കാവുന്നതാണ്.
(ഡോ. നളിനി വാസു)
