This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അച്യുതന്‍, എം.
സര്‍വ്വവിജ്ഞാനകോശം സംരംഭത്തില്‍ നിന്ന്
അച്യുതന്‍, എം. (1930 - )
മലയാള സാഹിത്യകാരന്‍. 1930 ജൂണ്‍ 15-ന് തൃശൂര്‍ ജില്ലയിലെ വടമയില്‍ ജനിച്ചു. പിതാവ് ആലക്കാട്ട് നാരായണമേനോന്‍. മാതാവ് പാറുക്കുട്ടി അമ്മ. മലയാള ഭാഷയിലും സാഹിത്യത്തിലും എം.എ. ബിരുദം ഒന്നാം ക്ളാസില്‍ ഒന്നാം റാങ്കോടെ നേടി. ഏറെക്കാലം ഗവണ്‍മെന്റ് കോളജ് അധ്യാപകനായി സേവനമനുഷ്ഠിച്ചു. എറണാകുളം മഹാരാജാസ് കോളജില്‍ നിന്ന് പ്രൊഫസറായി സര്‍വീസില്‍ നിന്നു വിരമിച്ചു.
പാശ്ചാത്യസാഹിത്യദര്‍ശനം, കവിതയും കാലവും, സമന്വയം, വിവേചനം, ചെറുകഥ : ഇന്നലെ ഇന്ന്, നോവല്‍ : പ്രശ്നങ്ങളും പഠനങ്ങളും, സ്വാതന്ത്യ്രസമരവും മലയാള സാഹിത്യവും, വാങ്മുഖം തുടങ്ങിയ വിമര്‍ശനാത്മക കൃതികള്‍ ഇദ്ദേഹം രചിച്ചിട്ടുണ്ട്. അറേബ്യന്‍ നൈറ്റ്സ് എന്ന കൃതിയുടെ സ്വതന്ത്ര പുനരാഖ്യാനമായ ആയിരത്തൊന്നു രാവുകള്‍ എന്ന ബൃഹത്കൃതിയും ഇദ്ദേഹത്തിന്റേതാണ്.
പാശ്ചാത്യപണ്ഡിതന്മാരുടെ ദര്‍ശനങ്ങളെ വിമര്‍ശനാത്മകമായി വിലയിരുത്തുന്ന കൃതിയാണ് പാശ്ചാത്യസാഹിത്യദര്‍ശനം. നാലു തലമുറകളിലൂടെ ചെറുകഥയ്ക്കുണ്ടായ വളര്‍ച്ചയെ നിരീക്ഷിച്ചറിയുവാനുള്ള ഉദ്യമമായ ചെറുകഥ : ഇന്നലെ ഇന്ന് മലയാള ചെറുകഥാസാഹിത്യത്തിന്റെ വിമര്‍ശനാത്മക ചരിത്രമാണ്. ഈ കൃതി കേരള സാഹിത്യ അക്കാദമി അവാര്‍ഡും സാഹിത്യപ്രവര്‍ത്തക ബെനിഫിറ്റ് ഫണ്ട് അവാര്‍ഡും നേടുകയുണ്ടായി.
