This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഉഷ്‌ണവാതമുഖം
സര്‍വ്വവിജ്ഞാനകോശം സംരംഭത്തില്‍ നിന്ന്
ഉഷ്‌ണവാതമുഖം
വാതമുഖ(front)ങ്ങളെ ഊഷ്‌മളവും ശീതളവുമായ വായുപിണ്ഡ(air mass)ങ്ങളുടെ ആപേക്ഷിക ചലനത്തെ അടിസ്ഥാനമാക്കി വിഭജിച്ചിരിക്കുന്നതിലൊന്ന്‌. ഊഷ്‌മള വായുപിണ്ഡം ശീതളവായുപിണ്ഡത്തിന്‌ സ്ഥാനചലനം ഉണ്ടാക്കുന്നതരം വാതമുഖമാണ്‌ ഉഷ്‌ണവാതമുഖം. ഉഷ്‌ണവാതമുഖങ്ങളിലെ സമ്മിശ്രമേഖല (frontal zone) അനുഷ്‌ണവാതമുഖങ്ങളിലേതിനെ അപേക്ഷിച്ച്‌ ചായ്‌വുള്ളതായിക്കാണുന്നു; ഇക്കാരണംകൊണ്ടുതന്നെ താരതമ്യേന കൂടുതൽ വ്യാപ്‌തിയുള്ളതുമായിരിക്കും. ഊഷ്‌മളവായുപിണ്ഡം ശീതളവായുപിണ്ഡത്തിനു മുകളിലൂടെ കടക്കുമ്പോള്‍ ഉയർന്നുപൊങ്ങുകയും അതിൽ അടങ്ങിയിരിക്കുന്ന നീരാവി സംഘനനത്തിനു വിധേയമായി കാർമേഘങ്ങള്‍ ഉണ്ടാവുകയും ചെയ്യും. മിക്കപ്പോഴും ഇത്‌ മഴപെയ്യുന്നതിനു കാരണമാവുന്നു. ഉഷ്‌ണവാതമുഖം കടന്നുപോകുന്നതിനെത്തുടർന്ന്‌ ചാറ്റൽമഴ ഉണ്ടാകുന്നത്‌ സാധാരണമാണ്‌; താപനിലയിൽ ഏറ്റമുണ്ടാവുന്നു. കാറ്റ്‌ ഗതിമാറി വീശുന്നു.
ഉന്നത അക്ഷാംശങ്ങളിൽ ശൈത്യകാലത്ത്‌ ചക്രവാതപ്രക്രിയകളോടനുബന്ധിച്ച്‌ ഉഷ്‌ണവാതമുഖം ഉണ്ടാവുക സാധാരണമാണ്‌. നോ. അനുഷ്‌ണവാതമുഖം; ചക്രവാതങ്ങള്‍; വാതമുഖം
