This site is not complete. The work to converting the volumes of സര്വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ക്ലോറോനൈട്രോ ബെന്സീനുകള്
സര്വ്വവിജ്ഞാനകോശം സംരംഭത്തില് നിന്ന്
Technoworld (സംവാദം | സംഭാവനകള്)
(പുതിയ താള്: ==ക്ലോറോനൈട്രോ ബെന്സീനുകള്== ആരോമാറ്റിക് യൗഗികങ്ങള്. തന്മ...)
അടുത്ത വ്യത്യാസം →
04:42, 27 ജൂലൈ 2015-നു നിലവിലുണ്ടായിരുന്ന രൂപം
ക്ലോറോനൈട്രോ ബെന്സീനുകള്
ആരോമാറ്റിക് യൗഗികങ്ങള്. തന്മാത്രാഫോര്മുല: C6 H4 ClNO2. നൈട്രോക്ലോറോ ബെന്സീനുകള് എന്നും വിളിക്കാം. മെറ്റാ, പാരാ, ഓര്തോ എന്നിങ്ങനെ ഇതിന് മൂന്നു ഐസോമറുകളുണ്ട്. അവയുടെ സംരചനാഫോര്മുലകള് താഴെ ചേര്ക്കുന്നു: (ചിത്രം1). ഇവയെല്ലാംതന്നെ ബെന്സീനില് നിന്ന് ഇനി കാണിച്ചിരിക്കുന്നരീതിയില് നിര്മിക്കാന് കഴിയും. (ചിത്രം 2)
മെറ്റാ ക്ലോറോനൈട്രോ ബെന്സീന് മഞ്ഞനിറമുള്ള പരലുകളാണ്. ഉരുകല്നില 47.9oC. തിളനില 236oC. ആപേക്ഷിക സാന്ദ്രത 1.534. ജലത്തില് ലയിക്കുകയില്ല. എല്ലാ ജൈവലായകങ്ങളിലും ലയിക്കും. വായുവിലൂടെയോ ആഹാരത്തിലൂടെയോ ശരീരത്തിനുള്ളില് കടന്നേക്കാം; കടുത്ത വിഷമാണ്. പല സംസ്ലേഷണപ്രക്രിയകളിലും ഇതൊരു മധ്യവര്ത്തി യൗഗികമാണ്.
ഓര്തോ ഐസോമര് സാധാരണ ഊഷ്മാവില് മഞ്ഞനിറമുള്ളൊരു ദ്രാവകമാണ്. ഉറയല്നില 32.5oC. തിളനില 245oC. ആപേക്ഷിക സാന്ദ്രത 1.368. ജലത്തില് അലേയമായ ഈ വസ്തുവിന് 127.22oC -ല് തീ പിടിക്കും. മെറ്റാ ഐസോമറിനെപ്പോലെ അത്യധികം വിഷാലുത്വമുള്ള ഈ വസ്തു ചായങ്ങള് നിര്മിക്കാന് ഉപയോഗിക്കുന്നു. മഞ്ഞനിറമുള്ള പരലുകളുടെ രൂപത്തിലിരിക്കുന്ന പാരാക്ലോറോ നൈട്രോ ബെന്സീന് 83oC-ല് ഉരുകുകയും 239oCല് തിളയ്ക്കുകയും ചെയ്യും. ആപേക്ഷിക സാന്ദ്രത 1.52. ജൈവലായകങ്ങളില് ലയിക്കുന്ന ഈ വസ്തു ജലത്തില് അലേയമാണ്. ചായങ്ങള്, പാരാ നൈട്രോഫിനോള്, പാരാ തയോണ് തുടങ്ങിയവ നിര്മിക്കാന് ഇത് ഉപയോഗിക്കുന്നു. മെറ്റാ, പാരാ എന്നീ ഐസോമര് ആംശികസ്വേദനം വഴിയുമാണ് ശുദ്ധീകരിക്കുന്നത്.
(എന്. മുരുകന്)