This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
കീചകന്‍
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്) (→കീചകന്‍) |
Mksol (സംവാദം | സംഭാവനകള്) (→കീചകന്‍) |
||
| വരി 2: | വരി 2: | ||
== കീചകന്‍ == | == കീചകന്‍ == | ||
[[ചിത്രം:Vol7p526_DSC_0552.jpg|thumb|കഥകളിയിലെ കീചകവേഷം]] | [[ചിത്രം:Vol7p526_DSC_0552.jpg|thumb|കഥകളിയിലെ കീചകവേഷം]] | ||
| - | ഒരു പുരാണ കഥാപാത്രം. മഹാഭാരതം | + | ഒരു പുരാണ കഥാപാത്രം. മഹാഭാരതം വിരാടപര്‍വത്തില്‍ മത്സ്യരാജാവായ വിരാടന്റെ സ്യാലനും സേനാപതിയും ആയ കീചകന്റെ കഥ വിസ്‌തരിച്ചു പ്രതിപാദിച്ചിട്ടുണ്ട്‌. ബലവാനും ശൂരനുമായ സുയോധനനുപോലും കീചകനെ ഭയമായിരുന്നു. സൂതരാജാവായ കേകയന്‌ മാളവി എന്ന രാജ്ഞിയില്‍ കീചകനും അനുജന്മാരായി നൂറ്റിയഞ്ചുപേരും (ഉപകീചകന്മാര്‍) സുദേഷ്‌ണ എന്ന മകളും ജനിച്ചു. "കാലകേയന്മാര്‍' എന്ന അസുരന്മാരില്‍ പ്രമുഖനായ ബാണന്റെ അംശത്തില്‍ നിന്നും ജന്മം നേടിയവരാണ്‌ കീചകനും ഉപകീചകന്മാരും എന്ന്‌ ഐതിഹ്യമുണ്ട്‌ (മഹാഭാരതം-ദാക്ഷിണാത്യപാഠം). സുദേഷ്‌ണ മാത്സ്യന്റെ പത്‌നിയായതു മുതല്‍ കീചകനും സഹോദരന്മാരും വിരാടരാജ്യത്തുതന്നെ താമസമാക്കി. കീചകന്‍ ത്രിഗര്‍ത്താധിപതിയായ സുശര്‍മാവിനെ പലപ്പോഴും യുദ്ധത്തില്‍ തോല്‌പിച്ചിട്ടുണ്ട്‌ (മഹാഭാരതം വിരാടപര്‍വം). |
| - | + | ചൂതില്‍ തോറ്റ പാണ്ഡവന്മാര്‍ വനവാസം കഴിഞ്ഞ്‌ അജ്ഞാതവാസക്കാലം വിരാടരാജധാനിയില്‍ കഴിച്ചുകൂട്ടി. അന്നു ദ്രൗപദി "മാലിനി' എന്ന പേരില്‍ അവിടെ സൈരന്ധ്രിയായിക്കഴിഞ്ഞു. മാലിനിയുടെ സൗന്ദര്യം കണ്ടു ഭ്രമിച്ച കീചകന്‍ സുദേഷ്‌ണയുടെ സഹായത്തോടുകൂടി അവളുടെ ചാരിത്യ്രം ഭഞ്‌ജിക്കാന്‍ ഒരുമ്പെട്ടു. മാലിനി വിവരം അവിടെ "വലല'നായി കഴിയുന്ന ഭീമസേനനെ ഗ്രഹിപ്പിച്ചു. ഭീമന്റെ നിര്‍ദേശപ്രകാരം "സങ്കേത'മായ ആട്ടപ്പന്തലില്‍ യഥാവസരം ചെല്ലുന്നതിനു മാലിനി കീചകനെ ക്ഷണിക്കുകയും വേഷം മാറി കിടന്നിരുന്ന ഭീമന്‍ അവിടെവച്ചു കീചകനെ ഞെരിച്ചുകൊല്ലുകയും ചെയ്‌തു. വിവരമറിഞ്ഞ കൗരവര്‍ "ചത്തതു കീചകനെങ്കില്‍ കൊന്നതു ഭീമന്‍തന്നെ' എന്നു ചിന്തിച്ചു പാണ്ഡവരെ വിരാടരാജ്യത്തുവച്ച്‌ കണ്ടുപിടിക്കാമെന്നു വ്യാമോഹിച്ചു. ഉപകീചകന്മാര്‍ കീചകന്റെ ശവം ദഹിപ്പിക്കാന്‍ ചുടുകാട്ടിലേക്കു പോയപ്പോള്‍ കീചകമരണത്തിനു ഹേതുഭൂതയായ മാലിനിയെ പിടികൂടി ബലാത്‌കാരേണ കൊണ്ടുപോയി. അര്‍ധരാത്രിയില്‍ പാഞ്ചാലിയുടെ കരച്ചില്‍ കേട്ട്‌ ഓടിയെത്തിയ ഭീമന്‍ ശ്‌മശാനത്തില്‍ ചെന്നു നൂറ്റിയഞ്ചു ഉപകീചകന്മാരെയും കൊന്നു പാഞ്ചാലിയെ രക്ഷിച്ചു (മഹാഭാരതം-വിരാടപര്‍വം). ഈ കഥ ഇതിവൃത്തമായി സ്വീകരിച്ചുകൊണ്ട്‌ കീചകവധം എന്ന പേരില്‍ പ്രസിദ്ധമായ ഒരു ആട്ടക്കഥയും (ഇരയിമ്മന്‍ തമ്പി) അതേ പേരില്‍ ഒരു കഥകളിപ്പാട്ടും (അജ്ഞാത കര്‍ത്തൃകം) ഒരു തിരുവാതിരപ്പാട്ടും (സി.എസ്‌.സുബ്രഹ്മണ്യന്‍ പോറ്റി) മലയാളസാഹിത്യത്തില്‍ വിരചിതമായിട്ടുണ്ട്‌. | |
| - | (മുതുകുളം | + | (മുതുകുളം ശ്രീധര്‍; സ.പ.) |
Current revision as of 07:26, 3 ഓഗസ്റ്റ്‌ 2014
കീചകന്‍
ഒരു പുരാണ കഥാപാത്രം. മഹാഭാരതം വിരാടപര്‍വത്തില്‍ മത്സ്യരാജാവായ വിരാടന്റെ സ്യാലനും സേനാപതിയും ആയ കീചകന്റെ കഥ വിസ്‌തരിച്ചു പ്രതിപാദിച്ചിട്ടുണ്ട്‌. ബലവാനും ശൂരനുമായ സുയോധനനുപോലും കീചകനെ ഭയമായിരുന്നു. സൂതരാജാവായ കേകയന്‌ മാളവി എന്ന രാജ്ഞിയില്‍ കീചകനും അനുജന്മാരായി നൂറ്റിയഞ്ചുപേരും (ഉപകീചകന്മാര്‍) സുദേഷ്‌ണ എന്ന മകളും ജനിച്ചു. "കാലകേയന്മാര്‍' എന്ന അസുരന്മാരില്‍ പ്രമുഖനായ ബാണന്റെ അംശത്തില്‍ നിന്നും ജന്മം നേടിയവരാണ്‌ കീചകനും ഉപകീചകന്മാരും എന്ന്‌ ഐതിഹ്യമുണ്ട്‌ (മഹാഭാരതം-ദാക്ഷിണാത്യപാഠം). സുദേഷ്‌ണ മാത്സ്യന്റെ പത്‌നിയായതു മുതല്‍ കീചകനും സഹോദരന്മാരും വിരാടരാജ്യത്തുതന്നെ താമസമാക്കി. കീചകന്‍ ത്രിഗര്‍ത്താധിപതിയായ സുശര്‍മാവിനെ പലപ്പോഴും യുദ്ധത്തില്‍ തോല്‌പിച്ചിട്ടുണ്ട്‌ (മഹാഭാരതം വിരാടപര്‍വം).
ചൂതില്‍ തോറ്റ പാണ്ഡവന്മാര്‍ വനവാസം കഴിഞ്ഞ്‌ അജ്ഞാതവാസക്കാലം വിരാടരാജധാനിയില്‍ കഴിച്ചുകൂട്ടി. അന്നു ദ്രൗപദി "മാലിനി' എന്ന പേരില്‍ അവിടെ സൈരന്ധ്രിയായിക്കഴിഞ്ഞു. മാലിനിയുടെ സൗന്ദര്യം കണ്ടു ഭ്രമിച്ച കീചകന്‍ സുദേഷ്‌ണയുടെ സഹായത്തോടുകൂടി അവളുടെ ചാരിത്യ്രം ഭഞ്‌ജിക്കാന്‍ ഒരുമ്പെട്ടു. മാലിനി വിവരം അവിടെ "വലല'നായി കഴിയുന്ന ഭീമസേനനെ ഗ്രഹിപ്പിച്ചു. ഭീമന്റെ നിര്‍ദേശപ്രകാരം "സങ്കേത'മായ ആട്ടപ്പന്തലില്‍ യഥാവസരം ചെല്ലുന്നതിനു മാലിനി കീചകനെ ക്ഷണിക്കുകയും വേഷം മാറി കിടന്നിരുന്ന ഭീമന്‍ അവിടെവച്ചു കീചകനെ ഞെരിച്ചുകൊല്ലുകയും ചെയ്‌തു. വിവരമറിഞ്ഞ കൗരവര്‍ "ചത്തതു കീചകനെങ്കില്‍ കൊന്നതു ഭീമന്‍തന്നെ' എന്നു ചിന്തിച്ചു പാണ്ഡവരെ വിരാടരാജ്യത്തുവച്ച്‌ കണ്ടുപിടിക്കാമെന്നു വ്യാമോഹിച്ചു. ഉപകീചകന്മാര്‍ കീചകന്റെ ശവം ദഹിപ്പിക്കാന്‍ ചുടുകാട്ടിലേക്കു പോയപ്പോള്‍ കീചകമരണത്തിനു ഹേതുഭൂതയായ മാലിനിയെ പിടികൂടി ബലാത്‌കാരേണ കൊണ്ടുപോയി. അര്‍ധരാത്രിയില്‍ പാഞ്ചാലിയുടെ കരച്ചില്‍ കേട്ട്‌ ഓടിയെത്തിയ ഭീമന്‍ ശ്‌മശാനത്തില്‍ ചെന്നു നൂറ്റിയഞ്ചു ഉപകീചകന്മാരെയും കൊന്നു പാഞ്ചാലിയെ രക്ഷിച്ചു (മഹാഭാരതം-വിരാടപര്‍വം). ഈ കഥ ഇതിവൃത്തമായി സ്വീകരിച്ചുകൊണ്ട്‌ കീചകവധം എന്ന പേരില്‍ പ്രസിദ്ധമായ ഒരു ആട്ടക്കഥയും (ഇരയിമ്മന്‍ തമ്പി) അതേ പേരില്‍ ഒരു കഥകളിപ്പാട്ടും (അജ്ഞാത കര്‍ത്തൃകം) ഒരു തിരുവാതിരപ്പാട്ടും (സി.എസ്‌.സുബ്രഹ്മണ്യന്‍ പോറ്റി) മലയാളസാഹിത്യത്തില്‍ വിരചിതമായിട്ടുണ്ട്‌.
(മുതുകുളം ശ്രീധര്‍; സ.പ.)
