This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഇറ്റെന്‍, യോഹന്നെസ്‌ (1888 - 1967)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഇറ്റെന്‍, യോഹന്നെസ്‌ (1888 - 1967) == == Itten, Johannes == സ്വിസ്‌ ചിത്രകാരന്‍. 1888 ...)
അടുത്ത വ്യത്യാസം →
11:09, 15 ജൂണ്‍ 2014-നു നിലവിലുണ്ടായിരുന്ന രൂപം
ഇറ്റെന്‍, യോഹന്നെസ്‌ (1888 - 1967)
Itten, Johannes
സ്വിസ്‌ ചിത്രകാരന്‍. 1888 ജൂണിൽ സുദിറെന്‍ലിന്‍ഡനിൽ ജനിച്ചു. ബേണ്‍ സർവകലാശാലയിലെ പഠനത്തിനുശേഷം ജനീവയിലെ "എസ്‌കോള്‍ ദെസ്‌ ബിയോക്‌സ്‌-ആർട്ട്‌സ്‌' എന്ന സ്ഥാപനത്തിൽ ചേർന്നു പരിശീലനം നേടി. പിന്നീട്‌ ചിത്രരചനയ്‌ക്കു സമർപ്പിതമായ ഒരു ജീവിതം നയിക്കുവാനാണ്‌ ഇറ്റെന്‍ തീരുമാനിച്ചത്‌. 1912-ൽ കൊളോണിൽ നടന്ന സണ്‍ഡർബണ്‍ഡ്‌ പ്രദർശനം ഇദ്ദേഹം സന്ദർശിച്ചു. ആധുനിക കലാപ്രസ്ഥാനത്തിന്റെ ആദ്യത്തെ വിപുലമായ ആഗോളപ്രദർശനമായിരുന്നു അത്‌. തുടർന്ന്‌ 1913-14 വർഷങ്ങളിൽ അഡോള്‍ഫ്‌ ഹൂള്‍സെലിന്റെ ശിക്ഷണത്തിൽ സ്റ്റർട്ട്‌ഗാർട്ട്‌ അക്കാദമിയിൽ ഇദ്ദേഹം പരിശീലനം നേടി. ഇക്കാലത്ത്‌ വർണവിന്യാസസംബന്ധമായി ഹൂള്‍സെൽ രൂപം നല്‌കിയിട്ടുള്ള സിദ്ധാന്തത്തിന്റെ സ്വാധീനശക്തിക്കു വിധേയനായി. ഇവിടെവച്ചാണ്‌ ഇറ്റെന്‍ തന്റെ ആദ്യത്തെ അമൂർത്തചിത്രം രചിച്ചത്‌. പിന്നീട്‌ ഇദ്ദേഹം വിയന്നയിലെ ആർട്ട്‌സ്‌ സ്‌കൂളിൽ അധ്യാപകവൃത്തി സ്വീകരിച്ചു. അതിനുശേഷം സ്വിറ്റ്‌സർലണ്ടിൽ നെയ്‌ത്തുകാർക്കായുള്ള ഒരു സ്റ്റുഡിയോ സ്ഥാപിച്ച ഇറ്റെന്‍ അതോടൊപ്പംതന്നെ ക്രഫിൽഡ്‌ ടെക്‌സ്റ്റൈൽ ആർട്ട്‌സ്‌കൂളിന്റെ നിയന്ത്രണവും നിർവഹിച്ചുപോന്നു. 1938 മുതൽ 1953 വരെ സൂറിച്ചിലെ പ്രയുക്ത കലാമ്യൂസിയത്തിന്റെയും സ്‌കൂളിന്റെയും നിയന്ത്രണം ഏറ്റെടുത്തു. ക്രമേണ പ്രബോധനങ്ങളിൽക്കൂടിയും പ്രവർത്തനങ്ങളിൽ കൂടിയും 20-ാം ശതകത്തിലെ കലാപ്രസ്ഥാനങ്ങളുടെ ഒരു അഗ്രഗാമിയായിത്തീർന്നു. ഇറ്റെന്‍ തന്റെ ആദ്യകാല അമൂർത്ത സംരചനകളിൽ ക്യൂബിസത്തിന്റെ ആശയപരമായ മൗലികപ്രയോഗങ്ങള്‍ നടത്തിയിരുന്നു. തന്റെ കലാപരമായ ആശയാദർശങ്ങള്‍ പ്രകാശിപ്പിക്കുന്ന ഏതാനും കൃതികളും ഇദ്ദേഹം രചിച്ചിട്ടുണ്ട്‌. (Kunst der Farbe, 1961; Mein vorkurs am bauhauss, 1963; Design and Form 1964 എന്നിവ). തിരശ്ചീനവും ലംബമാനവുമായ കളങ്ങള്‍ രചിച്ച്‌ അവയുടെ വർണങ്ങളിലൂടെ ആശയപ്രകടനത്തിനുള്ള സാധ്യതകളാരായുന്ന പരീക്ഷണങ്ങള്‍ നടത്തുകയും ക്രിയാത്മകമായ ചിത്രരചനയിലെ വികാരപരവും യുക്തിവഹവുമായ വശങ്ങളെ വിശദമാക്കുകയും ചെയ്‌തു.
