This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഓഡം, ഹോവാർഡ്‌ വാഷിങ്‌ടണ്‍ (1884 - 1954)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഓഡം, ഹോവാർഡ്‌ വാഷിങ്‌ടണ്‍ (1884 - 1954) == == Odum, Howard Washington == യു.എസ്‌. സാമൂഹി...)
അടുത്ത വ്യത്യാസം →
09:17, 15 ജൂണ്‍ 2014-നു നിലവിലുണ്ടായിരുന്ന രൂപം
ഓഡം, ഹോവാർഡ്‌ വാഷിങ്‌ടണ്‍ (1884 - 1954)
Odum, Howard Washington
യു.എസ്‌. സാമൂഹികശാസ്‌ത്രജ്ഞന്‍. 1884 മേയ്‌ 24-ന്‌ ഉത്തരജോർജിയയിലെ ബെത്‌ലഹേമിൽ ജനിച്ചു. എമറി, മിസ്സിസ്സിപ്പി, ക്ലാർക്ക്‌, കൊളംബിയ എന്നീ സർവകലാശാലകളിൽ വിദ്യാഭ്യാസം പൂർത്തിയാക്കി. ജോർജിയ, എമറി സർവകലാശാലകളിലും പിന്നീട്‌ 1920-ൽ നോർത്ത്‌ കരോളിനാ സർവകലാശാലകളിലും സേവനം അനുഷ്‌ഠിച്ചു. സാമൂഹിക-ശാസ്‌ത്രസംബന്ധമായ പല സ്ഥാപനങ്ങള്‍ ആരംഭിക്കുന്നതിനു നേതൃത്വം നല്‌കിയ ഇദ്ദേഹം സാമൂഹികശാസ്‌ത്ര വികസനത്തിന്‌ പ്രചോദനം നല്‌കിയിട്ടുണ്ട്‌. ഈ ലക്ഷ്യം മുന്‍നിർത്തിക്കൊണ്ട്‌ ഇദ്ദേഹം സോഷ്യൽ ഫോഴ്‌സസ്‌ എന്ന ആനുകാലിക പ്രസിദ്ധീകരണവും ആരംഭിച്ചു. ദക്ഷിണ യു.എസ്സിലെ സാമൂഹികപ്രശ്‌നങ്ങള്‍ക്ക്‌ പ്രാധാന്യം നല്‌കിക്കൊണ്ടുള്ള പഠനങ്ങളിലായിരുന്നു ഓഡം ശ്രദ്ധ കേന്ദ്രീകരിച്ചത്‌. ആദ്യമായി നീഗ്രാ വർഗക്കാരുടെ സാമൂഹിക-സാംസ്‌കാരിക ജീവിതത്തെക്കുറിച്ച്‌ പഠനം നടത്തി. റെയിന്‍ബോ റൗണ്ട്‌ മൈ ഹോള്‍ഡർ (1928) ആണ്‌ ഇദ്ദേഹത്തിന്റെ ആദ്യത്തെ ഗ്രന്ഥം. 1933-ൽ പ്രസിഡന്റ്‌ ഹെർബർട്ട്‌ ഹൂവറുടെ അഭ്യർഥനപ്രകാരം ഇദ്ദേഹവും വില്യം എഫ്‌. ഓഗ്‌ബേണും ചേർന്ന്‌ റീസന്റ്‌ സോഷ്യൽ ട്രന്‍ഡ്‌സ്‌ എന്ന റിപ്പോർട്ട്‌ തയ്യാറാക്കി. ഇദ്ദേഹത്തിന്റെ സതേണ്‍ റീജിയണ്‍ ഒഫ്‌ ദി യുണൈറ്റഡ്‌ സ്റ്റേറ്റ്‌സ്‌ (1936) എന്ന പുസ്‌തകത്തിൽ ദേശീയ ജീവിതത്തിൽ ദക്ഷിണ സംസ്ഥാനങ്ങളുടെ പങ്കിനെക്കുറിച്ച്‌ വിലയിരുത്തിയിട്ടുണ്ട്‌. ഗോത്രബന്ധങ്ങള്‍, പൊതുജനക്ഷേമം, ഉന്നതവിദ്യാഭ്യാസം, പ്രാദേശികാസൂത്രണം, ശിക്ഷാനിയമപരിഷ്‌കരണം എന്നിങ്ങനെ വിവിധ മേഖലകളിൽ അദ്ദേഹം തന്റെ കഴിവ്‌ പ്രകടമാക്കിയിട്ടുണ്ട്‌. കന്നുകാലി പ്രജനനത്തിൽ താത്‌പര്യമുണ്ടായിരുന്ന ഓഡം "മാസ്റ്റർ ബ്രീഡർ അവാർഡി'ന്‌ അർഹനായിട്ടുണ്ട്‌. ഇദ്ദേഹത്തിന്റെ മറ്റു കൃതികളാണ്‌ അണ്ടർസ്റ്റാന്‍ഡിങ്‌ സൊസൈറ്റി (1947), അമേരിക്കന്‍ സോഷ്യോളജി (1953) എന്നിവ. ഓഡമിന്റെ സാമൂഹികശാസ്‌ത്ര ചിന്തകളുടെ സമാഹാരമാണ്‌ അണ്ടർസ്റ്റാന്‍ഡിങ്‌ സൊസൈറ്റി. 1954 ന. 8-ന്‌ ചാപ്പൽ ഹില്ലിൽ ഇദ്ദേഹം അന്തരിച്ചു.
