This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ഒലിവർ, ഐസക്‌ (1565 - 1617)
സര്‍വ്വവിജ്ഞാനകോശം സംരംഭത്തില്‍ നിന്ന്
Mksol (സംവാദം | സംഭാവനകള്‍)
(പുതിയ താള്‍: == ഒലിവർ, ഐസക്‌ (1565 - 1617) == == Isac, Oliver == ഇംഗ്ലീഷ്‌ ചിത്രകാരന്‍. ഇദ്ദേഹം ഫ...)
അടുത്ത വ്യത്യാസം →
07:00, 15 ജൂണ്‍ 2014-നു നിലവിലുണ്ടായിരുന്ന രൂപം
ഒലിവർ, ഐസക്‌ (1565 - 1617)
Isac, Oliver
ഇംഗ്ലീഷ്‌ ചിത്രകാരന്‍. ഇദ്ദേഹം ഫ്രാന്‍സിലെ റൂവെന്‍ എന്ന സ്ഥലത്തു ജനിച്ചു. 1568-ൽ മാതാപിതാക്കളോടൊപ്പം ഇംഗ്ലണ്ടിൽ എത്തി. നിക്കോളാസ്‌ ഹിലിയാർഡ്‌ എന്ന ഇംഗ്ലീഷ്‌ ചിത്രകാരന്റെ കീഴിൽ ഹ്രസ്വചിത്രരചന \ (miniature painting) അഭ്യസിച്ചു. കാലക്രമേണ തന്റെ ഗുരുവിനെക്കാള്‍ കീർത്തിയും ജനസമ്മതിയും നേടുവാന്‍ ഇദ്ദേഹത്തിനു കഴിഞ്ഞു. 1596-ൽ ഒലിവർ വെനീസ്‌ സന്ദർശിക്കുകയുണ്ടായി. 1606-ൽ ഇംഗ്ലീഷ്‌ പൗരത്വം സ്വീകരിക്കുന്നതു വരെ, ഒരു ഫ്രഞ്ചു കലാകാരന്‍ എന്ന്‌ അറിയപ്പെടുന്നതിൽ ഇദ്ദേഹം അഭിമാനം കൊണ്ടിരുന്നു. ഇദ്ദേഹത്തിന്റെ പുത്രനും ഒരു "ഹ്രസ്വചിത്ര'കാരനായിരുന്നു.
ഗുരുവായ ഹിലിയാർഡ്‌ തനി ഇംഗ്ലീഷ്‌ ചിത്രരചനാ ശൈലിയായിരുന്നു പിന്‍തുടർന്നത്‌. എന്നാൽ ഒലിവറിന്റെ രചനകളിൽ ഫ്രഞ്ചു ചിത്രകലയുടെയും ഫ്‌ളമിഷ്‌ ചിത്രകലയുടെയും ചില സവിശേഷതകളുടെ സമന്വയാവസ്ഥ പ്രകടമായികാണാം. നിഴലിന്റെയും വെളിച്ചത്തിന്റെയും യുക്തിപൂർവമായ വിന്യാസം കൊണ്ട്‌ ചിത്രത്തിലെ രൂപങ്ങള്‍ക്ക്‌ പിണ്ഡ(mass)വും വ്യാപ്‌തവും ദ്യോതിപ്പിക്കാന്‍ ഒലിവർ പ്രത്യേകം ശ്രദ്ധിച്ചിരുന്നു. വളരെ ചെറിയ ഹ്രസ്വചിത്രങ്ങളിലെ രൂപങ്ങള്‍ക്കുപോലും മുഴുപ്പു നൽകാന്‍ ഇതുമൂലം സാധിച്ചിട്ടുണ്ട്‌. ഇദ്ദേഹത്തിന്റെ "പോർട്രറ്റ്‌ ഒഫ്‌ എ യങ്‌ മാന്‍', "സെഡ്‌ റ്റു ബി സർ ഫിലിപ്പ്‌ സിന്‍ഡേ; ഫ്രാന്‍സിസ്‌ ഹോവാർഡ്‌', "കൗണ്ടസ്‌ ഒഫ്‌ എസെക്‌സ്‌ ആന്‍ഡ്‌ സോമർസെറ്റ്‌' എന്നീ ചിത്രങ്ങള്‍ പ്രശംസനീയങ്ങളാണ്‌.
ചരിത്രസംഭവങ്ങള്‍ ആവിഷ്‌കരിക്കുന്നതിനും ഒലിവർ തത്‌പരനായിരുന്നു. ഇത്തരത്തിലുളള ചില അന്യാപദേശചിത്രങ്ങളിൽ ഇറ്റാലിയന്‍ മാനറിസ്റ്റ്‌ ചിത്രകാരന്മാരായ പാർമിഗിയാനിനോ, പ്രിമാറ്റിക്കിയോ എന്നിവരുടെ രീതി ഒലിവർ സ്വീകരിച്ചിട്ടുണ്ട്‌. ബ്രിട്ടീഷ്‌ മ്യൂസിയത്തിൽ സൂക്ഷിച്ചിട്ടുള്ള ചാരിറ്റി ഇതിനുദാഹരണമാണ്‌. ഇദ്ദേഹം 1617 ഒ. 2-ന്‌ നിര്യാതനായി.
